ସୁବର୍ଣ୍ଣପୁର, (୧୭/୧୦) : ଆପ୍ର : ସୁବର୍ଣ୍ଣପୁର ଜିଲ୍ଲା ବିନିକା ସହରର ଜବଦା କୋଲପଡାରେ ଚାଲିଛି ଖୁଲମଖୁଲ୍ଲା ବେଆଇନ କୁଚିଆ ମଦ, ଗଞ୍ଜେଇ, କୋରେକ୍ସ ବିକ୍ରି ହେଉଛି ।
ଏଥିଯୋଗୁଁ ଗ୍ରାମରେ ଅଶାନ୍ତି ସୃଷ୍ଟି ହେଉଛି । ରାସ୍ତା ଘାଟରେ ଚୋରୀ ମଧ୍ୟ ବୃଦ୍ଧି ପାଉଛି । ଘରେ ଘରେ ଅଶାନ୍ତି ସୃଷ୍ଟି ହେବା ସହିତ ଛୋଟ ଛୋଟ ଶିଶୁମାନେ ମଧ୍ୟ ମଦପିଇ ପଥଭ୍ରଷ୍ଟ ହେଉଛନ୍ତି । ଖୁଲମଖୁଲା ମଦବିକ୍ରୀ ରେ ଅତିଷ୍ଠ ହୋଇ ଜବଦା ଗ୍ରାମର ଶତାଧିକ ମହିଳା ବିନିକା ଥାନା ର ଦ୍ୱାରସ୍ତ ହୋଇଛନ୍ତି । ଜବଦା କୋଳପଡା ରେ ମଦବିକ୍ରୀ ବନ୍ଦ କରିବା ପାଇଁ ବିନିକା ଥାନାରେ ଲିଖିତ ଅଭିଯୋଗ କରିଛନ୍ତି । ତୁରନ୍ତ ମଦ କରବାର ବନ୍ଦ କରାନଗଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ପୁଲିସ କୁ ଚେତାବନୀ ଦେଇଛନ୍ତି ।
