ବାଲୁଗାଁ, (୨୧/୦୬) : ଆପ୍ର : ସାଙ୍ଗ ସହ ଗାଧୋଇବାକୁ ଯାଇଥିବା ବେଳେ ପାଣିରୁ ନାବାଳକର ମୃତଦେହ ଉଦ୍ଧାର ।
ଖୋର୍ଦ୍ଧା ବାଣପୁର ଥାନା ମାଳିଗୋବିନ୍ଦପୁର ଗାଁ ନିକଟରେ ଥିବା ଗୁରେଇ ବନ୍ଧରୁ ନାବାଳକଙ୍କ ମୃତଦେହ ଉଦ୍ଧାର । ମୃତକ ହେଲେ ବାଣପୁର ଅଞ୍ଚଳ ସାଲୁଣି ଗାଁର ନବମ ଶ୍ରେଣୀ ଛାତ୍ର ଚନ୍ଦନ ପ୍ରଧାନ । ଚନ୍ଦନ ଅନ୍ତରାକିଆରୀ ଛକରେ ମାଆଙ୍କ ସହ ଭଡ଼ା ଘରେ ରୁହନ୍ତି । ଗତକାଲି ସନ୍ଧ୍ୟା ରେ ଚନ୍ଦନ ଘରକୁ ନ ଫେରିବାରୁ ପରିବାର ଲୋକେ ବାଣପୁର ଥାନାରେ ନିଖୋଜ ଅଭିଯୋଗ କରିଥିଲେ ।
ଅଭିଯୋଗ ପରେ ପୋଲିସ ସକାଳୁ ବାଣପୁର ମାଳିଗୋବିନ୍ଦପୁର ନିକଟ ଗୁରେଇ ବନ୍ଧରୁ ଚନ୍ଦନର ମୃତଦେହ ଉଦ୍ଧାର କରିଥିଲା । ଏପଟେ ଏନେଇ ହତ୍ୟା ଅଭିଯୋଗ ଉଠାଇଛନ୍ତି ପରିବାର ଲୋକେ । ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି । ଏହି ଘଟଣାରେ ପୋଲିସ ଦୁଇ ଜଣଙ୍କୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।
