ଗଞ୍ଜାମ, (୨୯/୦୫) : ଆପ୍ର : ଦୀର୍ଘ ବର୍ଷ ହେଲା ଭୁତ ସରସିଙ୍ଗି ବୁଢ଼ା ଆମ୍ବ ରାସ୍ତା ଜରାଜୀର୍ଣ୍ଣ ଅବସ୍ଥାରେ ରହି ପଥ ଚାରି ଓ ଗାଡି ବାଲାଙ୍କ ଯାତାୟାତ ରେ ବହୁ ଅସୁବିଧା ସୃଷ୍ଟି ହେବାସହ ଅନେକ ଦୁର୍ଘଟଣା ଘଟିଛି ।
ତେବେ ଜନ ସାଧାରଣ ଓ ଜନ ପ୍ରତିନିଧି ଏହା ଉପରେ ବିଧାୟକ ଙ୍କ ଦୃଷ୍ଟି ଆକର୍ଷଣ କରି ଏହିରାସ୍ତାର ପୁନଃନିର୍ମାଣ ପାଇଁ ପ୍ରସ୍ତାବ ଦେଇଥିଲେ । ତେବେ ବିଧାୟକ ପ୍ରତାପ ଚନ୍ଦ୍ର ନାୟକ ପୂର୍ତ୍ତ ବିଭାଗ ମନ୍ତ୍ରୀ ଓ ସଚିବ ଙ୍କ ସହ କଥାବାର୍ତ୍ତା କରି ଭୂତସରସିଙ୍ଗି ଠାରୁ ବୁଢାଆମ୍ବ ପର୍ଯ୍ୟନ୍ତ ପୂର୍ତ୍ତବିଭାଗୀୟ ରାସ୍ତାର ସଂପ୍ରସାରଣ ଓ ନିର୍ମାଣ ଲାଗି ସରକାରଙ୍କ ପକ୍ଷରୁ ୧୭ କୋଟି ଟଙ୍କାର ଅନୁମୋଦନ କରିଥିଲେ । ତେବେ ଆଜି ତାହାର ଭୂମିପୂଜା କରି ଶିଳାନ୍ୟାସ କରି ବାର ଥିଲା, ତେବେ ଶିଳାନ୍ୟାସ ପୂର୍ବରୁ କିଛି ଅସ ହିଷ୍ଣୁ ରାଜନୈତିକ ବ୍ୟକ୍ତି ଏହି ଶିଳାନ୍ୟାସ ବୋର୍ଡ କୁ ଭାଙ୍ଗି ଦେଇଥିଲେ । ତେବେ କିଛି ସମୟ ପରେ ବିଧାୟକ ଆସି ପୁଣି ନୂତନ ବୋର୍ଡ ଲଗାଯାଇଥିବା ବୋର୍ଡ ରେ ଶିଳାନ୍ୟାସ କରିଥିଲେ ।
ଅନ୍ୟମାନେ ଯେଉଁ ସାଂସଦ ଙ୍କ ନାମ ଲେଖା ଯାଇଥିବା କଥା ପ୍ରଚାର କରୁଛନ୍ତି ଯଦି ସେମାନଙ୍କ ସତ ସାହସ ଥିଲା ଶିଳାନ୍ୟାସ ସ୍ଥାନଜୁ ଆସି ପଚାରି ପାରିଥାନ୍ତେ । ଏମପି ମୋର ବଡ଼ ଭଉଣୀ ସଦୃଶ୍ୟ ଆମ ଭିତରେ ଫାଟ ସୃଷ୍ଟି କରିବା ପାଇଁ କିଛି କୁଚକ୍ରୀ ଗୋଷ୍ଠୀ ଏସବୁ କରୁଛନ୍ତି ଏବଂ ଆଇନ ସେମାନଙ୍କୁ ତାଙ୍କ ଦୋଷ ର ଦଣ୍ଡ ଦେବ ବୋଲି କହିଥିଲେ । ବଣମହୁରୀ ଗ୍ରାମରେ, ଅଙ୍ଗନବାଡି କେନ୍ଦ୍ର ଦୁଇଟିକୁ ଉଦଘାଟନ କରିବା ସହ ପଞ୍ଚାୟତ ଅଫିସିରେ ଏକ ବୈଠକ ମାଧ୍ୟମରେ ୧୭ ଜଣଙ୍କୁ ବିଭିନ୍ନ ଭତା ବଣ୍ଟନ କରିଥିଲେ ।
ସେଠାରୁ ସେ ଗୁଡ଼ିଆଳି ଯାଇ କବିସୂର୍ଯ୍ୟନଗର ବ୍ଲକର ଗୁଡିଆଳି ଠାରୁ ପୁରୁଷୋତ୍ତମପୁର ବ୍ଲକର ଟଙ୍କାଛାଇ ରାସ୍ତା ନିର୍ମାଣ ଲାଗି ହୋଇଥିବା ଫଳକକୁ ଉଦଘାଟନ କରିଥିଲେ । ଏହି ଉଦଘାଟନ କାର୍ଯ୍ୟକ୍ରମ ରେ ବିବିନ୍ନ ସ୍ଥାନର ସରପଞ୍ଚ ମାନେ ଦଳୀୟ ନେତା କର୍ମୀ ମାନେ ଓଯୁବକ ମହିଳା ଗୋଷ୍ଟି, ଅଙ୍ଗୱାଡି, ଏମ୍ବିକେ, ସିଆରପି କର୍ମୀ ମାନେ ଓ କବିସୂର୍ଯ୍ୟନଗର ବିଡ଼ିଓ ସିଡିପିଓ ଉପସ୍ଥିତ ଥିଲେ ।
