ଗୁଣପୁର, (୨୬/୬) : ଆପ୍ର : ବିଭିନ୍ନ ଉଚ୍ଚ ବିଦ୍ୟାଳୟ ଛାତ୍ରଛାତ୍ରୀ ଏବଂ ଶିକ୍ଷକ ମାନଙ୍କୁ ନେଇ ଗୁଣପୁର ଉପ ଜିଲ୍ଲାପାଳ କାର୍ଯ୍ୟାଳୟ ଠାରୁ ଆରମ୍ଭ କରି ନୂଆ ବସଷ୍ଟାଣ୍ଡ ପର୍ଯ୍ୟନ୍ତ ନିଶା ମୁକ୍ତ ଭାରତ ଅଭିଯାନ ଆରମ୍ଭ କରାଯାଇଥିଲା ।
ଆନ୍ତର୍ଜାତିକ ନିଶା ସେବନ କାରବାର ଓ ଅବୈଧ ନିଶା ଦ୍ରବ୍ୟ ଚାଲାଣ କାରବାର ସମ୍ବନ୍ଧୀୟ ବିଭିନ୍ନ ପୋଷ୍ଟର ଧରି ଏବଂ ବିଭିନ୍ନ ସ୍ଲୋଗାନ ସହ ଅଭିଯାନ ଆରମ୍ଭ କରାଯାଇଥିଲା ।
ମଦ, ସିଗାରେଟ୍, ଗଞ୍ଜେଇ, ବିଡ଼ି,
କେତେ ଯେ ସଂସାର ଦିଏ ଉଜାଡ଼ି
ପାନ, ବିଡ଼ି, ସିଗାରେଟ୍ ଏହା ଛୋଟ ନୁହଇ ନିଶା,
ଜାଣି ନ ପାରଇ ସେ ଟାଣି ନିଏ ପଇସା
କରିବ ଯିଏ ନିଶା ସେବନ,
ହୋଇବ କୁକୁର ପରି ମରଣ
ନିଶା ଠାରୁ ଦୂରରେ ରୁହନ୍ତୁ,
ଜୀବନକୁ ସୁରକ୍ଷିତ ରଖନ୍ତୁ ।
ଇତ୍ୟାଦି ସ୍ଲୋଗାନ ଦିଆଯାଇ ସମାଜକୁ ସଚେତନ କରାଯାଇଥିଲା । ଉକ୍ତ ଅଭିଯାନରେ ଅବକାରୀ ପ୍ରଶାସନ ତରଫରୁ ଶ୍ରୀ ବେଣୁଧର ସାମଲ, ପି ବିଶ୍ୱେଶ୍ୱର ରାଓ, ଲକ୍ଷ୍ମୀ ଦେବି,ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ଧନଞ୍ଜୟ ବେହେରା, ପୋଲିସ କର୍ମଚାରୀ ବୃନ୍ଦ, ଲକ୍ଷ୍ମଣ ସହିଦ ନାୟକ ଉଚ୍ଚ ବିଦ୍ୟାଳୟର ଶିକ୍ଷକ ବୃନ୍ଦ ଯୋଗଦାନ କରି ନିଶା ମୁକ୍ତ ଅଭିଯାନକୁ ସାଫଲ୍ୟ ମଣ୍ଡିତ କରିଥିଲେ ।
