ଉଦଳା, (12/06) : ଆପ୍ର : ଆସିଲେ ଘର ସାମ୍ନା ରାସ୍ତାରେ ବୁଲିଲେ । ଘରୁ ମହିଳା ବାହାରିଯିବା ଦେଖିବାପରେ କିଛି କ୍ଷଣରେ ଲୁଟିନେଲେ । ଏଭଳି ଘଟଣା ଘଟିଛି ଉଦଳା ଥାନା ୱାର୍ଡ ନମ୍ବର ୧୦ରେ। ୱାର୍ଡ ବାସିନ୍ଦା ଜ୍ୟୋତି ରଞ୍ଜନ ପାତ୍ରଙ୍କ ସ୍ତ୍ରୀ ଘରେ ଥିଲେ ।
ହେଲେ କିଛି କାମ ପାଇଁ ରାତି ସମୟରେ ଘରବାହାରକୁ ନିଜ ସ୍କୁଟି ନେଇ ଯାଇଥିଲେ । ଲୁଟେରାମାନେ କିଛି ସମୟ ଧରିତାଙ୍କ ଘର ସାମ୍ନାରାସ୍ତାରେ ବୁଲିଥିଲେ । ଜ୍ୟୋତି ରଞ୍ଜନ ପାତ୍ରଙ୍କ ସ୍ତ୍ରୀ ନିଜସ୍କୁଟିରେ ବଜାର ଯାଇଥିଲେ ଏବଂ ଏକ ଘଣ୍ଟାପରେ ଘରକୁ ଫେରିଥିଲେ । ଘରକୁ ଫେରିବା ପରେ ଘରୁ ଲୁଟ ହୋଇଥିବା ଜାଣିବାକୁ ପାଇଥିଲେ । ଲୁଟେରା ମାନେ ଘର ଗଡ଼ରେଜ ଭାଙ୍ଗି ସେଥିରେ ଥିବା ୨୦ହଜାର ନଗଦ ଟଙ୍କା ସହିତ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟି ନେଇଥିବା ଜାଣିବାକୁ ପାଇଥିଲେ । ପରେ ଏନେଇ ଉଦଳାଥାନାରେ ଲିଖିତ ଅଭିଯୋଗ କରିଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏହା ସହିତ ଲୁଟେରା ଦୁଇଜଣ ପ୍ରଥମେ ତାଙ୍କ ଘର ସାମ୍ନାରେ ବୁଲିବା ପରେ ଛାତ ଦେଇ ଘର ଭିତରକୁ ପଶି ଲୁଟ କରିଥିବା ଜାଣିବାକୁ ପାଇଛନ୍ତି ।
