ମୁରିବାହାଲ, (୧୮/୦୬) : ଆପ୍ର : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲଖନା ପଞ୍ଚାୟତ ବ୍ରାହ୍ମଣୀ ଗ୍ରାମର କୁବେର ଖମାରୀଙ୍କ ଧର୍ମପତ୍ନୀ ଯଶୋଦା ଖମାରୀଙ୍କ ୭୬ବର୍ଷ ବୟସରେ ନିଜ ବାସଭବନରେ ପରଲୋକ ହୋଇଯାଇଛି ।
ସେ ଦୀର୍ଘ ଦିନ ଧରି କିଡନୀ ରୋଗରେ ପୀଡିତ ରହି ଚିକିତ୍ସିତ ହେଉଥିଲେ।ମୃତ୍ୟୁ ଶଯ୍ୟା ନିକଟରେ ସ୍ୱାମୀ କୁବେର,ତିନି ପୁଅ ବ୍ରାହ୍ମଣୀ ସ୍କୁଲ ସହକାରୀ ଶିକ୍ଷକ ଫକୀରମୋହନ,ବ୍ୟବସାୟୀ ବୈସୁଧ ଓ ଡ଼ିଗ୍ରୀ କଲେଜର ଓଡ଼ିଆ ଅଧ୍ୟାପକ ଘନଶ୍ୟାମ ତଥା ପୁତ୍ରବଧୂ ସିନ୍ଧୁସୂତା,ରୀନା ଓ ରାଜେଶ୍ୱରୀ ତଥା ଦୁଇ ଝିଅ ପ୍ରେମଶିଲା, ଜୟକାନ୍ତି ଓ ଜ୍ୱାଇଁ ମକୁନ୍ଦ ଓ ଅଶୋକଙ୍କ ସହ ସମସ୍ତ ପରିବାରବର୍ଗ ଓ ଆତ୍ମୀୟସ୍ଵଜନ ଉପସ୍ଥିତ ଥିଲେ ।
ସେ ଜଣେ ଅମାୟିକ ଓ ଧର୍ମପରାୟଣା ମହିଳା ରୂପେ ପରିଚିତ ଥିଲେ।ଷାଠିଏ ଘର ଡୁମାଳ ସମାଜ ଦନ୍ଦ୍ରା କେନ୍ଦ୍ର ସମ୍ପାଦକ ଥିବା ବଡପୁଅ ଫକୀରମୋହନଙ୍କ ମାତା ଯଶୋଦା ଖମାରୀଙ୍କ ବିୟୋଗରେ ଦନ୍ଦ୍ରା କେନ୍ଦ୍ର ପକ୍ଷରୁ ଗଭୀର ଶୋକ ପ୍ରକାଶ ପାଇ ବହୁ କର୍ମକର୍ତ୍ତା ଶବାଧାରରେ ସାମିଲ ହୋଇଥିଲେ।ଅଞ୍ଚଳର ଶତାଧିକ ବ୍ୟକ୍ତିଵିଶେଷ ତାଙ୍କ ଶେଷ ଦର୍ଶନ କରି ଶବ ସତ୍କାରରେ ସାମିଲ ହୋଇଥିଲେ।ବଡ଼ପୁଅ ଫକୀରମୋହନ ମୁଖାଗ୍ନି ଦେଇଥିଲେ ।
