ଭୁବନେଶ୍ଵର, (୧୮/୦୬) : ଆପ୍ର : ଲାଞ୍ଚ ନେଉଥିବା ସମୟରେ ଜଣେ ଏଏସଆଇ ଓ ହୋମଗାର୍ଡଙ୍କୁ ମାଡିବସିଲା ଭିଜିଲାନ୍ସ । ଏଭଳି ଘଟଣା ଘଟିଛି ମଞ୍ଚେଶ୍ୱର ପୋଲିସ ଷ୍ଟେସନରେ ।
ମୋବାଇଲ ଛାଡିଇବା ନାଁ’ରେ ଏଏସଆଇ ଜଣକ ୨୦ ହଜାର ଟଙ୍କା ନେଉଥିବା ସମୟରେ ମାଡି ବସିଥିଲା ଭିଜିଲାନ୍ସ । ସେମାନଙ୍କଠାରୁ ୨୦,୦୦୦ ଟଙ୍କା ଜବତ କରାଯାଇଛି । ଭିଜିଲାନ୍ସ ମାଡିବସିଥିବା ଏଏସଆଇ ଶ୍ରୀ ରାଜେଶ କୁଲୁ ଏବଂ ହୋମଗାର୍ଡ ଶ୍ରୀ ଜ୍ୟୋତି ରଞ୍ଜନ ବେହେରା । ପୂର୍ବରୁ ୧୨.୦୬.୨୦୨୬ ରେ, ଏଏସଆଇ ଶ୍ରୀ କୁଲୁ ସେହି ବ୍ୟକ୍ତିଙ୍କଠାରୁ ୩୦,୦୦୦ ଟଙ୍କା ନେଇ ତାଙ୍କୁ ଗୋଟିଏ ମୋବାଇଲ୍ ଫେରାଇ ଦେଇଥିଲେ । ଭୁବନେଶ୍ୱର ଭିଜିଲାନ୍ସ ପକ୍ଷରୁ ପି.ଏସ୍. ମାମଲା ନଂ. ୧୦ ତାରିଖ ୧୬.୦୬.୨୦୨୬ ଧାରା ୭ ପି.ସି. (ସଂଶୋଧନ) ଆଇନ, ୨୦୧୮ ଅନୁଯାୟୀ ପଞ୍ଜୀକୃତ ହୋଇଛି । ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରଖିଛି ଭିଜିଲାନ୍ସ ।
ସୂଚନା ଯୋଗ୍ୟ ଯେ,ପୂର୍ବରୁ ୧୨.୦୬.୨୦୨୬ ଏଏସଆଇ ଶ୍ରୀ କୁଲୁ ସେହି ବ୍ୟକ୍ତିଙ୍କଠାରୁ ୩୦,୦୦୦ ଟଙ୍କା ନେଇ ତାଙ୍କୁ ଗୋଟିଏ ମୋବାଇଲ୍ ଫେରାଇ ଦେଇଥିଲେ । ଆଜି, ଯେତେବେଳେ ବ୍ୟକ୍ତି ଅଭିଯୁକ୍ତ ଏଏସଆଇ ଶ୍ରୀ କୁଲୁଙ୍କୁ ଅନ୍ୟ ମୋବାଇଲ୍ ଫେରସ୍ତ କରିବାକୁ ଅନୁରୋଧ କରିଥିଲେ, ସେ ତାଙ୍କୁ ଦାବି କରାଯାଇଥିବା ଲାଞ୍ଚ ଟଙ୍କା ହୋମଗାର୍ଡ ଡ୍ରାଇଭରଙ୍କୁ ଦେବାକୁ ଏବଂ ତାଙ୍କଠାରୁ ମୋବାଇଲ୍ ଫୋନ୍ ନେବାକୁ ନିର୍ଦ୍ଦେଶ ଦେଇଥିଲେ ।
