ବଲାଙ୍ଗୀର/ଟିଟିଲାଗଡ, (୦୪/୦୬) : ଆପ୍ର : ଜିଲ୍ଲା ସ୍ତରୀୟ ଟିଟିଲାଗଡ ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯିବା ଏକ ହିନ ସ୍ବାର୍ଥ ଭିତ୍ତିକ ଚକ୍ରାନ୍ତ ଭଳି ଗୁରୁତର ଅଭିଯୋଗ ହୋଇଛି ।
ପ୍ରକାଶ ଯେ, ନିଜ ମନୋମୁଖୀ ଭାବେ କେବଳ ଏକ ସର୍ବ ଦଳୀୟ ବୈଠକ ଦୀର୍ଘ ବର୍ଷ ପୂର୍ବରୁ ସ୍ଵାସ୍ଥ୍ୟ ସମସ୍ୟା ସହ ଏହି ଚିକିତ୍ସାଳୟ ସ୍ଥାନାନ୍ତରିତ ବିଷୟ ନେଇ ସବିଶେଷ ଆଲୋଚନା ହୋଇଥିଲା । ଆବଶ୍ୟକୀୟ ଭିତ୍ତିଭୂମି ର ଅଭାବ ଏପରିକି ସର୍ବନିମ୍ନ ପାନୀୟ ଜଳ ଯୋଗାଣ ବ୍ୟବସ୍ଥା ନ ଥିବା ବେଳେ ସହର ରୁ ପାଞ୍ଚ କିମି ଦୂର ପିପଲପଦର୍ ଗ୍ରାମ କୁ ସ୍ଥାନାନ୍ତରିତ କରାଯିବା କାର୍ଯ୍ୟ ପ୍ରକ୍ରିୟା ଆରମ୍ଭ ହୋଇ ଯାଇଛି ।
ଜନ ସାଧାରଣ ଙ୍କ ଅବଗତି ବିନା କ୍ଷମତାଧାରୀ ଅଧିକାରୀ ତଥା ନେତୃବୃନ୍ଦ ନିଜ ମନୋମୁଖୀ ଭାବେ ଆସନ୍ତା ୭ ତାରିଖ ଦିନ ଠାରୁ ସ୍ଥାନାନ୍ତର କରି ଉକ୍ତ ନୂତନ ଚିକିତ୍ସାଳୟ କାର୍ଯ୍ୟକାରୀ କରାଯିବ ବୋଲି ପ୍ରକାଶ ପାଇଛି । ସରକାରୀ ନିୟମ ଅନୁଯାୟୀ ସର୍ବଦଳୀୟ ବୈଠକ ପରେ ଘୋଷଣାନାମା ପରେ ସ୍ଥାନାନ୍ତରିତ କରାଯିବା ନିୟମ ରହି ଥିବା ବେଳେ ତାର ଖିଲାପ କରି ଏହି ସ୍ଥାନାନ୍ତର କରିବା ନେଇ ଜନ ଅସନ୍ତୋଷ ପ୍ରକାଶ ପାଉଛି ।
ପ୍ରକାଶ ଯେ, ପୂର୍ବରୁ ସ୍ଥାନାନ୍ତର କରିବା ନେଇ ସହର ରୁ ବିଳମ୍ବ ହେବା ଯୋଗୁଁ ଜନ ଜୀବନ ବିପର୍ଯ୍ୟସ୍ତ ହେବା ସ୍ଵାଭାବିକ ଏଣୁ ବଲାଙ୍ଗୀର ଭଳି ଏହି ଚିକିତ୍ସାଳୟ ଏଠି ପୂର୍ବବତ୍ କାର୍ଯ୍ୟକାରୀ ହେବା ଓ ନୂତନ ଚିକିତ୍ସାଳୟ ନୂତନ ଭାବେ କାର୍ଯ୍ୟକାରୀ ହେଉ ବୋଲି ସ୍ଥିରୀକୃତ ହୋଇଥିଲା । ଏ ନେଇ ସାଧାରଣ ରେ ଏହାର ତୀବ୍ର ଅସନ୍ତୋଷ ପ୍ରକାଶ ପାଇଥିବା ବେଳେ ଆଗାମୀ ଦିନରେ ଏହି ଦାବୀ ପୂରଣ ନେଇ କିଏ କଣ ପଦକ୍ଷେପ ନେବ ନାଁ ସାଧାରଣ ଲୋକ ଦୁର୍ଦ୍ଦଶା ର ଶିକାର ହେବେ ଦେଖିବାକୁ ବାକି ରହିଲା ।
