ଭବାନୀପାଟଣା, (୨୧/୦୬) : ଆପ୍ର : ସହରର ଦେବାନ ସାହେବ୍ ପଡ଼ା ଅଞ୍ଚଳରେ ଆଜି ସନ୍ଧ୍ୟାରେ ଏକ ଭାଲୁ ଦେଖିବାକୁ ମିଳିଥିଲା।
ପରେ ଭାଲୁ ଟି ଡାକ୍ତରଖାନା ପଛ ପଟେ, ଚର୍ଚ୍ଚ ନିକଟରେ ବୁଲାବୁଲି କରୁଥିବା ସିସିଟିଭି ଭିଜୁଆଲ ରେ ଦେଖିବାକୁ ମିଳିଛି । ଲୋକେ ସତର୍କ ରହିବାକୁ ବନ ବିଭାଗ ପକ୍ଷରୁ ମାଇକ୍ ଯୋଗେ ଘୋଷଣା କରାଯାଉଛି । ଗତ ୬ ଦିନ ତଳେ କୃଷି ମହାବିଦ୍ୟାଳୟ ଅଞ୍ଚଳରେ ଲୋକେ ଭାଲୁ ଦେଖିଥିବା ଚର୍ଚା ହେଉଥିଲା । ସୂଚନାଯୋଗ୍ୟ ପ୍ରାୟ ୨ ବର୍ଷ ତଳେ ଗୋଟାଏ ଭାଲୁ ସହରର ସାପ୍ତାହିକ ହାଟ ରୁ ଗାନ୍ଧୀ ଛକ ଯାଏଁ ଉତ୍ପାତ କରିଥିଲା । ଫଳରେ ଭାଲୁ ଆକ୍ରମଣରେ କିଛିଲୋକ ଆହତ ହେଇଥିଲେ । ତେବେ ଆଜି ସନ୍ଧ୍ୟାରେ ସହରର ଡାକ୍ତରଖାନା ଛକ, ଦେବାନ ସାହେବ୍ ପଡ଼ା ପ୍ରଭୃତି ଅଞ୍ଚଳରେ ଭାଲୁ ବୁଲିବା ଘଟଣା ସାଧାରଣରେ ଭୟର ବାତାବରଣ ସୃଷ୍ଟି କରିଛି ।
