ରାୟଗଡା, (୧୭/୦୬) : ଆପ୍ର : ବିବିଧତା ଭିତରେ ଏକତା, ସ୍ନେହ ଶ୍ରଦ୍ଧା, ଆନ୍ତରିକତା ଓ ଆତ୍ମୀୟତାର ପରିଚୟ ଦେଇଛି ରଜ ପର୍ବ । ଆୟାଜକ ଅମରେନ୍ଦ୍ର ଜେନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ରାୟଗଡା ସହର ସ୍ଥିତ ରାମକୃଷ୍ଣ ନଗର ଠାରେ ମହାଆଡମ୍ବରରେ ପାଳିତ ହୋଇଯାଇଛି ରଜ ମଉଜ ।
ଏହି ଅବସରରେ ମୁଖ୍ୟ ଅତିଥି ଭାବେ ସେଞ୍ଚୁରୀୟନ୍ ୟୁନିଭରସିଟିର ନିର୍ଦ୍ଧେଶକ ଡକ୍ଟର ରାଜେଶ କୁମାର ପାଢ଼ୀ ଉପସ୍ଥିତ ଥିବା ବେଳେ, ସମ୍ମାନିତ ଅତିଥି ଭାବେରାଜ କିଶୋର ପଣ୍ଡା ଏବଂ ବିପିନ ବିହାରୀ ବିଶ୍ୱାଳ ଉପସ୍ଥିତ ଥିଲେ । କାର୍ଯ୍ଯକ୍ରମରେ ଝୋଟି ପ୍ରତିଯୋଗିତା, ବାସ୍କେଟ ବୋଲ୍, ମ୍ୟୁଜିକାଲ ଚେୟାର, ମାଠିଆ ଭଙ୍ଗା ସାଙ୍ଗକୁ ରଜ ଦୋଳି ଖେଳି ସମସ୍ତେ ରଜ ମଉଜକୁ ଉତ୍ସାହର ସହିତ ପାଳନ କରିଥିଲେ । ସ୍ଥାନୀୟ ରାମକୃଷ୍ନ ନଗରରେ ପ୍ରଥମ ଥର ପାଇଁ ପାଳିତ ହୋଇଥିଲା ରଜ ମଉଜ । କାର୍ଯ୍ଯକ୍ରମକୁ ଆକର୍ଷଣୀୟ, ସ୍ମରଣୀୟ କରିବା ପାଇଁ ମହିଳା ମାନଙ୍କ ଦ୍ୱାରା ମେହେନ୍ଦି, ନାଚ ଗୀତ ଭଳି ପ୍ରତଯୋଗିତା ହୋଇଥିଲା । ସମସ୍ତେ ନୂତନ ଵସ୍ତ୍ର ପରିଧାନ କରିବା ସହିତ ପାଦରେ ଅଳିତା ହାତରେ ମେହେନ୍ଦି ଲଗେଇ ଖୁବ୍ ସୁନ୍ଦର ଭାବରେ ନିଜେ ନିଜକୁ ସଜେଇ ହୋଇଥିଲେ । ରଜ ପର୍ବ ଭରପୂର ମଜା ଉଠାଇଥିଲେ ଉପସ୍ଥିତ ମହିଳା ଓ ଝିଅ ମାନେ ।
ମୁଖ୍ୟ ଅତିଥି ଶ୍ରୀଯୁକ୍ତ ପାଢ଼ୀଙ୍କ କର କମଳରେ ପ୍ରତିଯୋଗୀତା ଗୁଡ଼ିକରେ ଭାଗ ନେଇଥିବା କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରିଥିଲେ । ସମ୍ପୂର୍ଣ୍ଣ କାର୍ଯକ୍ରମକୁ ସ୍ମିତା ରାଣୀ ପରିଡ଼ା, ପ୍ରଜ୍ଞାଞ୍ଜଳି ରାଉତ ଏବଂ ପ୍ରଜ୍ଞାନୀ ଲେଙ୍କା ପରିଚାଳନା କରିଥିଲେ । ଆଗାମି ଦିନରେ ଏହି ରଜ ମଉଜ ବଡ଼ ଧରଣରେ ପାଳନ କରିବା ସହିତ ରଜ କ୍ୱିନ ୨୦୨୭ ପାଳନ କରାଯିବ ବୋଲି କହିଛନ୍ତି ଶ୍ରୀଯୁକ୍ତ ଅମରେନ୍ଦ୍ର ଜେନା ।
