ସୁବର୍ଣ୍ଣପୁର, (୧୮/୦୯) : ଆପ୍ର : ବିଜେଡି ର ଟାଣୁଆ ନେତା ପୂର୍ବତନ ମନ୍ତ୍ରୀ ତଥା ସୋନପୁର ବିଧାୟକ ନିରଞ୍ଜନ ପୂଜାରୀ ଙ୍କୁ ଅଣ୍ଡା ମାଡ ଘଟଣା ସାମନା କୁ ଆସିଛି ।
ନିଜ ନିର୍ବାଚନ ମଣ୍ଡଳୀ ଅନ୍ତର୍ଗତ ତାଙ୍କ ଗଡ କୁହାଯାଉଥିବା ତରଭା ସହରରେ ଏହି ଘଟଣା ଘଟିଥିବା ସୂଚନା ମିଳିଛି। ତେବେ ଆସ୍ତେ ଆସ୍ତେ ବିଜେଡି ର ହେଭୀ ୱେଟ୍ ନେତା ଶ୍ରୀ ପୂଜାରୀ ଜନ ଆକ୍ରୋଶ ର ଶିକାର ହେବାର ଚର୍ଚ୍ଚା ହେଉଛି । ତେବେ କିଏ ଅଣ୍ଡା ମାଡ କରିଛି ତାହା ସ୍ପଷ୍ଟ ହୋଇନାହିଁ। ସେ ନିଜ ନିର୍ବାଚନ ମଣ୍ଡଳୀ ତରଭା ଗସ୍ତ ରେ ଥିବା ବେଳେ ଏହି ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ସୂଚନା ଅନୁଯାୟୀ ସୋନପୁର ବିଧାୟକ ଶ୍ରୀ ପୂଜାରୀ ତରଭା ବ୍ଲକ କମସରା ଗ୍ରାମ କୁ ଯାଇ ଫେରିବା ବାଟରେ ତରଭା ସହରରେ କିଛି ଯୁବକ ଅଣ୍ଡା ମାଡ କରିଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏ ନେଇ ତରଭା ଥାନା ରେ କୌଣସି ଅଭିଯୋଗ ହୋଇ ନ ଥିବା ଥାନା ଅଧିକାରୀ ଡୋଳାମଣି ନାଏକ ସୂଚନା ଦେଇଛନ୍ତି ।
