ରାୟଗଡା, (୨୭/୦୭) : ଆପ୍ର : ରାୟଗଡା ଜିଲ୍ଲା ବିଷମକଟକ ବ୍ଲକ ଦୁର୍ଗୀ ପଞ୍ଚାୟତର ଜଗନ୍ନାଥ ମନ୍ଦିର ନିକଟସ୍ଥ ପଡିଆରେ ବିଜେଡି ପକ୍ଷରୁ ଏକ ବିରାଟ ମିଶ୍ରଣ ପର୍ବ ବିଜେଡି ପକ୍ଷରୁ ଅନୁଷ୍ଠିତ ହୋଇଯାଇଛି ।
ରାଜ୍ୟ ବିଜେଡି ସାଧାରଣ ସମ୍ପାଦକ ସୁଧୀର କୁମାର ଦାସ, ରାୟଗଡା ଜିଲ୍ଲା ବିଜେଡି ସଭାପତି ଜଗନ୍ନାଥ ସାରକାଙ୍କ ନେତୃତ୍ୱରେ ଦଳରେ ରାମନାଗୁଡା ବ୍ଲକର ଭାମିନ ଓ ହୁକୁମ୍ବା ପଞ୍ଚାୟତର ରାଇଗୁଡା, ଟିକରପଡ଼ା ଗ୍ରାମର ଶହ ଶହ ସଂଖ୍ୟାରେ ଯୁବ ଛାତ୍ର ବିଜେଡି ସୁପ୍ରିମୋ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । ଏହି ସମୟରେ ଶ୍ରୀ ଦାସ ମତ ଦେଇଥିଲେ ଯେ, ସମସ୍ତଙ୍କ ଆନ୍ତରିକ ସହଯୋଗରେ ବିଜେଡି ଦଳ ଆହୁରି ପୂର୍ବଭଳି ଶକ୍ତିଶାଳୀ ହେବ । ଏହି ଅବସରରେ ରାମନାଗୁଡ଼ା ବ୍ଲକର ବରିଷ୍ଠ ନେତା ଗଗନ ଆଚାର୍ଯ୍ୟ, ବାତ୍ରୀ ମଣ୍ଡାଙ୍ଗୀ,ବିଜୟ ମଣ୍ଡାଙ୍ଗୀ, କମଳ ମୁଟିକା,ପଙ୍କଜ ପଣ୍ଡା, କରୀୟାନ, ଜଗଦୀଶ ଚନ୍ଦ୍ର ନାୟକ ବେହେରା, ରାହୁଲ ସମେତ ଶହଶହ କର୍ମି ଉପସ୍ଥିତ ରହି ବିଜେଡି ମିଶ୍ରଣ ପର୍ବରେ ଯୋଗ ଦେଇଥିଲେ ।
