କଣ୍ଟାମାଳ, (୨୯/୦୫) : ଆପ୍ର : ଉପରେ କୋଇଲା ତଳେ ଗଞ୍ଜେଇ । ଅଭିନଵ ଢଙ୍ଗରେ ଗଞ୍ଜେଇ ଚୋରା ଚାଲାଣ । ବୌଦ୍ଧ ଜିଲ୍ଲା କଣ୍ଟାମାଳ ପୋଲିସ ଦ୍ୱାରା ଗଞ୍ଜେଇ ଭର୍ତ୍ତି ଟ୍ରକ ଜବତ ।
ଗାଡିରେ ରହିଛି କ୍ବିଣ୍ଟାଲ କ୍ବିଣ୍ଟାଲ ଗଞ୍ଜେଇ । କଣ୍ଟାମାଳ ଘଣ୍ଟାପଡା ରାସ୍ତା ଉଦେପୁର ଛକରୁ ଗତକାଲି ସକାଳୁ ଟ୍ରକଟିକୁ ଜବତ କରାଯାଇଥିଲା । ଆଜି ସକାଳୁ ଟ୍ରକକୁ ଯାଞ୍ଚ ପରେ ଜବତ ହୋଇଛି ଗଞ୍ଜେଇ l ଟ୍ରକରେ ବାହାର ରାଜ୍ୟକୁ ଗଞ୍ଜେଇ ଚାଲାଣ କରାଯାଉଥିଲା । ଗତକିଛି ଦିନ ତଳେ ଗ୍ରୋସରୀ ଗାଡ଼ିରେ ଦୁଇ କୋଟିର ଗଞ୍ଜେଇ ଚାଲାଣ ହେଉଥିଲା । ମହାରାଷ୍ଟ୍ରର ଗୋଣ୍ଡିଆ ଅଞ୍ଚଳରେ ଦୁଇ କୋଟିର ଗଞ୍ଜେଇ ଠାବ ହୋଇଥିଲା । ଏଥିରେ ୨ ଆନ୍ତଃରାଜ୍ୟ ନିଶା ମାଫିଆ ଗିରଫ ହୋଇଥିଲେ । ଓଡ଼ିଶାରୁ ମହାରାଷ୍ଟ୍ରକୁ ଗ୍ରୋସରୀ ଟ୍ରକରେ ଗଞ୍ଜେଇ ଚାଲାଣ ବେଳେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଚଢାଉ କରିଥିଲା । ଚଢାଉରେ ପ୍ରାୟ ୨କୋଟିରୁ ଅଧିକ ଟଙ୍କାର ଗଞ୍ଜେଇ ଜବତ ସହ ୨ ନିଶା ମାଫିଆଙ୍କୁ ଗିରଫ କରାଯାଇଥିଲା । ଗିରଫ ଅଭିଯୁକ୍ତ ହେଲେ ଏମ୍ .ଡି ପ୍ରକାଶ ଓ ଏନ୍ .ଏମ୍ ପଦ୍ମଲାଲ ।
