ସୁବର୍ଣ୍ଣପୁର, (୨୪/୦୬) : ଆପ୍ର : ଗାଡି ଛାଡି ଗଞ୍ଜେଇ ମାଫିଆ ଫେରାର । ଏହି ଘଟଣା ହେଉଛି ଗତକାଲି ସୁବର୍ଣ୍ଣପୁର ଜିଲ୍ଲା ବିନିକା ଥାନା ପୂଜାରୀ ସାହାଜବାହାଲ ଗାଁ’ରେ WB26 BB-0290 ବୋଲେନୋ କାରରୁ ବିପୁଳ ଗଞ୍ଜେଇ ଜବତ ଏବଂ ଗଞ୍ଜେଇ ଭର୍ତ୍ତି କାର ଛାଡି ଘଟଣା ସ୍ଥଳରୁ ୨ ଜଣ ମାଫିଆ ଫେରାର ମାରିଛନ୍ତି ।
ବିଶ୍ୱସ୍ତ ପୁଲିସ ଖବର ପାଇଁ କାରକୁ ପିଛା କରିଥିଲା । ହେଲେ ଦ୍ରୁତ ଗତିରେ ଗଞ୍ଜେଇ ଭର୍ତ୍ତି କାର ଫେରାର ମାରିଥିବାରୁ ପୂଜାରୀ ସାହାଜବାହାଲ ଗାଁ ଭିତରେ କାରକୁ ପୁଲିସ କାବୁ କରିଥିଲା I କିନ୍ତୁ ଘଟଣା ସ୍ଥଳରୁ ମାଫିଆ ଫେରାର ମାରିଥିବାରୁ ଗଞ୍ଜେଇ ଭର୍ତ୍ତି କାରକୁ ପୁଲିସ ଜବତ କରି ତଦନ୍ତ ଚଳାଇଛି । ଏପଟେ ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାୟକ ପହଞ୍ଚି ଛାନଭିନ ଜାରୀ ରଖିଥିବା ବେଳେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ଓଜନ କଲା ପରେ ସେଥିରୁ ୩ କ୍ୱିଣ୍ଟାଲ ଊର୍ଦ୍ଧ୍ୱ ଗଞ୍ଜେଇ ଗାଡିରୁ ପୁଲିସ ଜବତ କରିଥିଲା । ଏହି ଚଢାଉ ସମୟରେ ବିନିକା ଥାନା ଅଧିକାରୀ ଅନିତା କିଡୋ, ଏସଆଇ ମରୁତ ଚନ୍ଦ୍ର ପ୍ରଧାନ ଓ ପ୍ରଭାତୀ ଦାଶ , ତ୍ରିନାଥ ସାହୁ ପ୍ରମୁଖ ସାମିଲ ଥିଲେ ।
