ଜଳେଶ୍ୱର, (୩୦/୦୫) : ଆପ୍ର : ରୋଗୀ ନେଇ ଫେରୁଥିବା ବେଳେ ଆମ୍ବୁଲାନ୍ସକୁ ପଛପଟୁ ପିଟିଲା ମାଟି ବୋଝେଇ ଡମ୍ପର । ଦୁର୍ଘଟଣାରେ ଆମ୍ବୁଲାନ୍ସରେ ଯାଉଥିବା ରୋଗୀ ଗୁରୁତର ସୂଚନା ।
ସୂଚନା ଅନୁଯାୟୀ, ପଶ୍ଚିମବଙ୍ଗ ଦାନ୍ତୋନ ଥାନା ଏଗ୍ରା ଅଞ୍ଚଳର ଜଣେ ମହିଳା କଟକ ଏସସିବିରେ ଭର୍ତ୍ତି ହୋଇଥିଲେ । ତେବେ ରୋଗୀ ଚିକିତ୍ସା ପରେ ସାମାନ୍ୟ ସୁସ୍ଥ ହେବାରୁ ଆମ୍ବୁଲାନ୍ସ ଯୋଗେ ଦାନ୍ତୋନ ଫେରୁଥିଲେ । ୧୬ ନମ୍ବର ଜାତୀୟ ରାଜପଥର ବାଲେଶ୍ବର ସନ୍ତୋଷପୁର ନିକଟରେ ଏକ ମାଟି ବୋଝେଇ ଡମ୍ଫର ଆମ୍ବୁଲାନ୍ସ ପଛପଟୁ ଧକ୍କା ଦେଇଥିଲା । ଫଳରେ ଆମ୍ବୁଲାନ୍ସ ରେ ଥିବା ରୋଗୀ ଗୁରୁତର ଆହତ ହୋଇଥିଲେ । ଘଟଣାସ୍ଥଳରେ ରାଜପଥ ପୋଲିସ ପହଞ୍ଚି ଅନ୍ୟ ଏକ ଆମ୍ବୁଲାନ୍ସ ଯୋଗେ ଗୁରୁତର ରୋଗୀଙ୍କୁ ଦାନ୍ତୋନ ଅଞ୍ଚଳକୁ ପଠାଇଥିଲା ।
