ସୁବର୍ଣ୍ଣପୁର, (୦୬/୦୬) : ଆପ୍ର : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ରାମପୁର ପୁଲିସ ଗଜବନ୍ଧ ଗାଁ ନିକଟରେ ପେଟ୍ରୋଲିଂ କରୁଥିଲା ।
ପେଟ୍ରୋଲିଂ ବେଳେ ପୁଲିସ ର ସନ୍ଦେହ ହେବାରୁ ଓଡ଼ି ୩୧ ଏଫ୍ ୯୦୭୦ (OD31 F-9070) ବଜାଜ ସିଟି ୧୦୦ ବାଇକକୁ ଯାଞ୍ଚ କରିଥିଲା । ଉକ୍ତ ବାଇକ ରେ କଫ ସିରପ ଥିବା ଜଣା ପଡିଥିଲା । ରାମପୁର ଅତିରିକ୍ତ ତହସିଲଦାର ତଥା ମାଜିଷ୍ଟ୍ରେଟ ବିଶ୍ୱମ୍ବରନାଥ ପାଣ୍ଡେଙ୍କ ଉପସ୍ଥିତିରେ ବାଇକ ଡ଼ିକିରୁ ୧୦୦ ଏମ୍ଏଲ୍ ୩୦ ବୋତଲ କଫ ସିରପ ୨ ଲକ୍ଷ ୯୨ ହଜାର ୯୫୦ ଟଙ୍କା, ବାଇକ, ୫ଟି ମୋବାଇଲ ଫୋନ, ଏଟିଏମ କାର୍ଡକୁ ପୁଲିସ ଜବତ କରିଛି । ଏ ସମ୍ପର୍କରେ ପୁଲିସ ରାମପୁର ଥାନାରେ ଏକ ମକଦ୍ଦମା ରୁଜୁ କରିବା ସହ ୪ ଜଣକୁ ଗିରଫ କରିଛି । ସେମାନେ ହେଲେ ରାମପୁର ଥାନା ଗଜବନ୍ଧ ଗାଁ’ର କେଶବ ବେହେରା, ଡୁଙ୍ଗୁରିପାଲି ଥାନା ର ପ୍ରମୋଦ ମେହେର ଓ ବସିଷ୍ଠ ମେହେର, ରାମପୁର ଥାନା ଅନ୍ଧାରୀବାଞ୍ଜି ଗାଁ’ର ସଚିତା ବେହେରା । ଗିରଫ କରିବା ପରେ ଆଜି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
