ମୁରିବାହାଲ, (୨୨/୦୮) : ଆପ୍ର : ବଲାଙ୍ଗିର ଜିଲ୍ଲା ମୁରିବାହାଲ ସ୍ଥିତ ପଞ୍ଚାୟତ ସମିତି ସ୍ନାତକ ମହାବିଦ୍ୟାଳୟ ଠାରେ ଇନୋଭେସନ ଓ ଷ୍ଟାର୍ଟପ’ ଶୀର୍ଷକ ଏକ ବିଶେଷ କାର୍ଯ୍ୟକ୍ରମ ସଫଳତାର ସହ ଶନିବାର ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ସରୋଜ କୁମାର ନାୟକ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ସମ୍ମାନିତ ଅତିଥି ଭାବେ ଅଧ୍ୟାପକ/ଅଧ୍ୟାପିକା ସୋମେଶ ଦତ୍ତ ହୋତା, ଗୁଣସାଗର ମେହେର, ଘନଶ୍ୟାମ ଖମାରି, ଶୈଳିକା ନାୟକ, ଛନ୍ଦାଚରଣ ଖୁଣ୍ଟିଆ, ଭିଙ୍ଗରାଜ ରଣା, ସରିତା ରଣା ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ନୂତନ ଚିନ୍ତାଧାରା, ଉଦ୍ଭାବନ ଏବଂ ଆତ୍ମନିର୍ଭରଶୀଳ ହେବା ନେଇ ଉତ୍ସାହିତ କରିଥିଲେ ।
ଏହି ଅବସରରେ ଆୟୋଜିତ ପ୍ରତିଯୋଗିତାରେ ଶ୍ରେଷ୍ଠ ପ୍ରଦର୍ଶନ କରିଥିବା କୃତୀ ଛାତ୍ରଛାତ୍ରୀଙ୍କ ନାମ ପ୍ରଥମ ସ୍ଥାନ,ସନ୍ତୋଷ ଶର୍ମା,ଦ୍ୱିତୀୟ ସ୍ଥାନ, ଚୂଡାମଣି ପୋଢ,ତୃତୀୟ ସ୍ଥାନ, ସୁନୀତା ଛୁରା ଘୋଷଣା କରାଯାଇଥିଲା । ଅଧ୍ୟାପକ ପ୍ରେମଚାନ୍ଦ ତାଣ୍ଡି ସଭା ସଂଯୋଜନା କରିଥିବା ବେଳେ ଶେଷରେ ଅଧ୍ୟାପିକା ଯଶୋସ୍ମିତା ବେହେରା ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିବାରେ ପିଅନ ଶଶିଭୂଷଣ ପଶାୟତ, ଦିଲ୍ଲୀପ ଘିଭେଲା ଏବଂ ମହାବିଦ୍ୟାଳୟର ସମସ୍ତ ଛାତ୍ରଛାତ୍ରୀ ସକ୍ରିୟ ସହଯୋଗ କରିଥିଲେ ।
