ଭୁବନେଶ୍ବର, (୦୪/୦୬) : ଆପ୍ର : ଶିମିଳିପାଳରୁ ଆସିବ ଖୁସି ଖବର । ମାଆ ହେବ ଯମୁନା । ଆଗାମୀ ଦିନରେ ଯମୁନା ପାଖରୁ ଖୁସି ଖବର ଆସିବା ନେଇ କହିଛନ୍ତି ପୂର୍ବତନ ପିସିସିଏଫ ସୁଶାନ୍ତ ନନ୍ଦ ।
ଶିମିଳିପାଳର ଜୈବ ବିବିଧତା ସହିତ ବାଘ ସଂଖ୍ୟା କିପରି ବୃଦ୍ଧି କରାଯାଇପାରିବ ସେନେଇ ସରକାର ଓ ପ୍ରଶାସନ ପଦକ୍ଷେପ ନେଇଥିଲେ । ମହାରାଷ୍ଟ୍ରରୁ ବାଘୁଣୀ ଜିନିତ ଅଣାଯାଇଥିଲା । ଭଲ କଥା ଥିଲା ଜିନିତ ପରିବେଶ ସହିତ ଖୁବଶୀଘ୍ର ଖାପ ଖୁଆଇ ନେଇଥିଲା । ଜିନତ ଏବେ ୪ ଶାବକଙ୍କ ମାଆ ହୋଇପାରିଛି । ଏହି ସମୟରେ ଜିନିତ ଅଧିକ ହିଂସ୍ର ବ୍ୟବହାର କରିବ । ଜିନତ ଉପରେ ନଜର ରଖିବା ପାଇଁ ଶିମିଳିପାଳରେ ଆଧୁନିକ କ୍ୟାମେରା ଲାଗିଛି । ସରକାର ଓ ପ୍ରଶାସନ ବି ନଜର ରଖିଛନ୍ତି । ଯମୁନା ପାଖରୁ ଆଗାମୀ ଦିନରେ ଖୁସି ଖବର ଆସିବ । ଶିମିଳିପାଳ ପାଇଁ ଯେଉଁ ଲକ୍ଷ ଥିଲା ତାହା ସଫଳ ହେଲା। ବର୍ତ୍ତମାନ ଭଲ ସମୟ ଆସିଛି । ସାତକୋଶିଆରେ ବାଘ ସଂଖ୍ୟା ବୃଦ୍ଧି କରିବା ପାଇଁ ସରକାର ଚିନ୍ତା କରିବା ଆବଶ୍ୟକ ବୋଲି କହିଛନ୍ତି ପୂର୍ବତନ ପିସିସିଏଫ ସୁଶାନ୍ତ ନନ୍ଦ।
