ସୁବର୍ଣ୍ଣପୁର, (୦୯/୦୬) : ଆପ୍ର : ସୁବର୍ଣ୍ଣପୁର ଜିଲ୍ଲା ର ବୀରମହାରାଜପୁର ବିଧାୟକ ତଥା ଡିପିସି ଅଧ୍ୟକ୍ଷ ଇଂ. ରଘୁନାଥ ଜଗଦଳା ବିନିକା ବ୍ଲକ ଗସ୍ତ ରେ ଆସି ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ଭିର୍ତ୍ତିପ୍ରସ୍ତର ସ୍ଥାପନ କରିବା ସହିତ କେତେକ ଉନ୍ନୟନ ମୂଳକ କାର୍ଯ୍ୟରେ ଶୁଭ ଉଦଘାଟନ କରିଥିଲେ ।
ବିଧାୟକ ଶ୍ରୀ ଜଗଦଳା ପ୍ରଥମେ ଶଙ୍କରା ପଞ୍ଚାୟତ କୌଡିଆମୁଣ୍ଡା ଗ୍ରାମରେ ପହଞ୍ଚି ସେଠାରେ ହେବାକୁ ଥିବା ପ୍ରାୟ ୫୦ ଲକ୍ଷ ଟଙ୍କାର କଲ୍ୟାଣ ମଣ୍ଡପ ର ଭିର୍ତ୍ତିପ୍ରସ୍ତର ସ୍ଥାପନ କରିଥିଲେ । ପରେ ଶଙ୍କରା ଗ୍ରାମରେ ଏକ ଅମୃତଧାରା ର ଶୁଭ ଉଦଘାଟନ କରିଥିଲେ । ପରେ ଚରଦା କପିଳେଶ୍ଵର ମନ୍ଦିର କୁ ପହଞ୍ଚି ଚରଦା କପିଳେଶ୍ଵର ମନ୍ଦିର ଏବଂ ପାପକ୍ଷୟ ଘାଟ ର ଉନ୍ନତି କରାଯିବା ନେଇ ବୈଠକ ରେ ଭାଷଣ ପ୍ରସଙ୍ଗରେ କହିଥିଲେ । ଏହାପରେ ବିନିକା ଏନଏସି କାର୍ଯ୍ୟାଳୟ କୁ ପହଞ୍ଚି ଥିଲେ ।
ବିନିକା ମହାନଦୀ କୂଳରେ ଆଦିବାସୀ ଭବନ, ଦୁର୍ଗା ମନ୍ଦିର ସମ୍ମୁଖରେ ଗେଟ, ପାଳିପଡ଼ା କମ୍ୟୁନିଟି ସେଣ୍ଟର,ଆଦି ଭିର୍ତ୍ତିପ୍ରସ୍ତର ସ୍ଥାପନ କରିଥିଲେ । ଏହି ଗସ୍ତ ରେ ବିଜେପି ଜିଲ୍ଲା ସଭାପତି ବେଣୁଧର ଦାଶ, କୃଷକ ମୋର୍ଚ୍ଚା ଜିଲ୍ଲା ସଭାପତି ଅଶୋକ ପୃଷ୍ଟି , ଜିଲ୍ଲା ପରିଷଦ ସଦସ୍ୟା ପ୍ରମିଳା କଳତା, ବିନିକା ନଗର ଶୋଭାନେତ୍ରୀ ଚନ୍ଦ୍ରମା ଅଗ୍ରୱାଲ, ଚରଦେଇ ମଣ୍ଡଳ ସଭାପତି ଉଦ୍ଧବ ମହାକୁର , ମେଘେଲା ମଣ୍ଡଳ ସଭାପତି ଦାମୋଦର ପଧାନ, ବାବୁଲୁ ବିଶି ପ୍ରମୁଖ ଙ୍କ ସମେତ ବହୁ ବିଜେପି କର୍ମୀ ଉପସ୍ଥିତ ଥିଲେ ।
