ଯାଜପୁର, (୧୫/୧୦) : ଆପ୍ର : ଝିଅ ପରେ ଆଖି ବୁଜିଲେ ମାଆ । ଗ୍ୟାସ ପାଇପ ଫାଟି ଅଗ୍ନିକାଣ୍ଡ ।
ଗତ ୧୧ତାରିଖ ସକାଳେ ଯାଜପୁର ଜିଲ୍ଲା ଧର୍ମଶାଳା ଥାନା ଅରାବଳ ଗ୍ରାମରେ ଗ୍ୟାସ ପାଇପ ଫାଟି ଅଗ୍ନିକାଣ୍ଡ ଘଟିଥିଲା । ଗ୍ରାମର ଅଭିରାମ ମଲିକଙ୍କ ଘରେ ଚା ଓ ରୁଟି ପ୍ରସ୍ତୁତ ହେଉଥିବା ସମୟରେ ହଠାତ ଗ୍ୟାସ ଲିକ ହୋଇ ଅଗ୍ନିକାଣ୍ଡ ଘଟିଥିଲା । ନିଆଁକୁ ଆୟତ୍ତ କରିବାକୁ ଯାଇ ଅଭିରାମ ଓ ତାଙ୍କ ପତ୍ନୀ ତିଲୋତ୍ତମା ଗୁରୁତର ହୋଇଥିଲେ । ସେମାନଙ୍କୁ ସଙ୍କଟାପନ୍ନ ଅବସ୍ଥାରେ ଉଭୟଙ୍କୁ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ଅଗ୍ନିକାଣ୍ଡରେ ଅଭିରାମଙ୍କ ୫ବର୍ଷର ଝିଅଙ୍କ ମୃତ୍ୟୁ ଘଟିଥିଲା । ଆଜି ଚିକିତ୍ସାଧୀନ ଅବସ୍ଥାରେ ଆଖି ବୁଜିଲେ ମାଆ ତିଲୋତ୍ତମା । ଏବେ ବି ଜୀବନ ମରଣ ସହ ସଂଗ୍ରାମ କରୁଛନ୍ତି ଅଭିରାମ ।
