ପାଟଣା, (୩୦/୦୫) : ଆପ୍ର : କେନ୍ଦୁଝର ଜିଲ୍ଲା ସାହାରପଡା ବ୍ଲକ ମାଛଗଡ ପଞ୍ଚାୟତର କମାରମରା ଗ୍ରାମର ଅଙ୍ଗନବାଡି ଘର ଭାଙ୍ଗି ଯାଇଛି ।
ଛାତ ଓ ତାଜାର ସିମେଣ୍ଟ ଖସି ଭଙ୍ଗା ଲୁହା ଛଡ଼ ଦେଖାଯାଉଛି । ବାରଣ୍ଡାର ଅବସ୍ଥା ମଧ୍ୟ ତଦୃପ ରହିଛି । ଭୟରେ ଅଙ୍ଗନବାଡି କର୍ମୀ ଘର ଭିତରେ ପିଲାଙ୍କୁ ପାଠ ନପଢ଼ାଇ ଅଙ୍ଗନବାଡ଼ି ବାରଣ୍ଡାରେ ପାଠ ପଢ଼ାଉଛନ୍ତି । ଦୀର୍ଘ ୨ ବର୍ଷ ହେବ ଗ୍ରାମବାସୀ ଏନେଇ ଅଭିଯୋଗ କରିଥିଲେ ମଧ୍ୟ କତୃପକ୍ଷ ଏଥିପ୍ରତି କର୍ଣ୍ଣପାତ କରୁନାହାନ୍ତି । ବାଧ୍ୟ ହୋଇ କର୍ମୀ ଜଣକ ବର୍ଷା ଦିନେ ଜଣେ ବ୍ୟକ୍ତିଙ୍କ ଖୋଲା ଘରେ ପିଲାଙ୍କୁ ପାଠ ପଢ଼ାଉଛନ୍ତି । ଅତିଶୀଘ୍ର ଉକ୍ତ ଅଙ୍ଗନବାଡି ଘର ତିଆରି କରିବାକୁ ସାଧାରଣରେ ଦାବି ହେଉଛି ।
