ଭୁବନେଶ୍ୱର, (୧୮/୦୬) : ଆପ୍ର : ରେଲୱେରେ ଚାକିରି ଦେବା ନାଁରେ ଠକେଇ । ୨୦ଲକ୍ଷ ଟଙ୍କା ଠକେଇ ଅଭିଯୋଗରେ ବାପ ଝିଅ ଗିରଫ ।
ଭୁବନେଶ୍ୱର ୧ନମ୍ବର ହାଟରୁ ଗିରଫ କଲା କମିଶନରେଟ୍ ପୋଲିସ୍ । ଗିରଫ ଅଭିଯୁକ୍ତମାନେ ହେଲେ ବାପା ବିଦ୍ୟାଧର ଦାସ ଓ ଝିଅ ସୁମତି ଦାସ । ସେମାନଙ୍କ ଘର ଭଦ୍ରକ ଆନନ୍ଦ ବଜାରରେ । ସେ ୧ନମ୍ବର ହାଟରେ ରହୁଥିଲେ । ସୁମତି ରେଲୱେରେ ଚାକିରି କରୁଥିବା କଥା ସମସ୍ତଙ୍କୁ କହିଥିଲେ । ଅନେକ ଲୋକଙ୍କୁ ଚାକିରି କରାଇଦେବେ କହି ୨୦ଲକ୍ଷ ଟଙ୍କା ଠକି ନେଇଥିଲେ । ପରେ ଧରାଛୁଆଁ ଦେଉନଥିଲେ। କ୍ୟାପିଟାଲ ଥାନାରେ ଅଭିଯୋଗ ପରେ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
