କେନ୍ଦ୍ରାପଡା, (12/06) : ଆପ୍ର : ବନ୍ଧୁକ ଦେଖାଇ ଲୁଟିନେଲେ ସୁନା ଚେନ । ଏଭଳି ଘଟଣା ଘଟିଛି କେନ୍ଦ୍ରାପଡା ସଦର୍ ଥାନା ଅନ୍ତର୍ଗତ ବାହାକଣ୍ଡିଆ ପୋଲଛକରେ । ମହିଳାଙ୍କ ଠାରୁ ସୁନା ଲୁଟିନେଲେ ଅଢେ଼ଇ ଭରିର ସୁନା ଚେନ। ସୁଚନା ଅନୁସାରେ ମହିଳାଙ୍କ ଘର କୁଦାନଗରି ଥାନା ଳଅନ୍ତା ଗାଁର ସ୍ଵର୍ଣଲତା ବେଉରା ।
ସେ କେନ୍ଦ୍ରାପଡାରେ ଘରଭଡା ନେଇ ରହୁଛନ୍ତି । ଆଜି ସକାଳୁ ସ୍ବର୍ଣ୍ଣଲତା ଓ ତାଙ୍କ ଝିଅ ସ୍କୁଟିରେ କେନ୍ଦ୍ରାପଡାରୁ ଘରକୁ ଯାଉଥିଲେ । ଏତିକି ବେଳେ ପୂର୍ବ ପ୍ରସ୍ତୁତି ଅନୁସାରେ ବାଟରେ ଏକ ଆପାଜି ବାଇକରେ ତିନିଜଣ ପିଛା କରିଥିଲେ । ଯାହାର ଭିଡିଓ ସିସି କ୍ୟାମେରାରେ କଏଦ ହୋଇଛି । ତିନି ଜଣ ଲୁଟେରା ପିଛା କରିବା ପରେ ବାହାକଣ୍ଡିଆ ପୋଲ ଛକଠାରେ ମହିଳାଙ୍କୁ ଅପେକ୍ଷା କରି ଠିଆ ହୋଇଥିଲେ। ସ୍ବର୍ଣ୍ଣଲତା ଯିବା ସମୟରେ ହଠାତ ବନ୍ଧୁକ ଦେଖାଇ ବେକରୁ ସୁନାଚେନ ଝିଙ୍କି ନେଇ ମହିଳାଙ୍କୁ ଧକା ମାରି ତଳେ ଫୋପାଡ଼ି ଦେଇଥିଲେ । ପରେ ଦୂର୍ବୁତ୍ତମାନେ ଘଟଣା ସ୍ଥଳରୁ ଫେରାର ହୋଇ ଯାଇଥିଲେ । ଏନେଇ ସ୍ବର୍ଣ୍ଣଲତା ସଦର ଥାନାରେ ଅଭିଯୋଗ କରିଛନ୍ତି ।
