ଅନୁଗୁଳ, (୧୬/୦୬) : ଆପ୍ର : ଅନୁଗୁଳ ଜିଲ୍ଲା ବନ୍ତଳା ଥାନା ଅନ୍ତର୍ଗତ ନନ୍ଦପୁର ଛକ ଠାରେ ଯୁବକ ଙ୍କୁ ଗୋଡାଇ ଗୋଡାଇ ହାଣିଲେ ଛଅ ଦୁର୍ବୁତ୍ତ ।
ଗୁରୁତର ଅବସ୍ଥାରେ ଉଦ୍ଧାର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତି ହେଲେ ଯୁବକ । ଗୁରୁତର ଯୁବକ ଜଣଙ୍କ ହେଲେ ନନ୍ଦପୁର ପଞ୍ଚାୟତ ମଧୁପୁର ଗାଁ ର ସଂଜୟ ସିଂ ଙ୍କ ପୁଅ ସୁଜିତ ସିଂ (୨୭) । ସୂଚନା ଯେ, ଆଜି ସନ୍ଧ୍ୟା ସମୟରେ ସୁଜିତ ଙ୍କ ଭାଇ ଗାଡି ସହ ସେହି ଅଞ୍ଚଳର ଏକ ଗାଡି ଧକ୍କା ହୋଇଥିଲା । ଏହି ଦଶକରେ କାହାର କୌଣସି କ୍ଷୟକ୍ଷତି ହୋଇ ନଥିଲା। ସୁଜିତ ଏବଂ ତାଙ୍କ ଭାଇ ଗାଡି ସହ ଧକ୍କା ହୋଇଥିବା ଅନ୍ୟ ଗାଡି ଚାଳକ କୁ ଡାକି ଘଟଣା ର ସମାଧାନ କରିବା ପାଇଁ ନନ୍ଦପୁର ଛକ କୁ ଡାକି ଥିଲେ । କିନ୍ତୁ ଅନ୍ୟ ଗାଡି ଚାଳକ ୬ ଦୁର୍ବୁତ୍ତ ଙ୍କୁ ଡାକି ହଠାତ୍ ସୁଜିତ ଙ୍କ ଉପରକୁ ଭୁଜାଲି ଏବଂ ଚାପଡା ରେ ମରଣାନ୍ତକ ଆକ୍ରମଣ କରି ପଳାଇ ଯାଇଥିଲେ । ନିକଟରେ ଥିବା ଅନ୍ୟ ଭାଇ ମାନେ ଗୁରୁତର ଅବସ୍ଥାରେ ସୁଜିତ ଙ୍କୁ ଉଦ୍ଧାର କରି ଏକ କାର ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତି କରିଥିଲେ । ପିଠି, ପେଟ, ଡାହାଣ ହାତ ଏବଂ ବାମ ଗୋଡ଼ ରେ ଗଭୀର ଆଘାତ ଲାଗିଛି । ଏ ଘଟଣା ନେଇ ବନ୍ତଳା ଥାନାରେ ଲିଖିତ ଅଭିଯୋଗ କରିବାକୁ ପରିବାର ଲୋକେ କହିଛନ୍ତି ।
