ଗଜପତି, (୨୮/୦୬) : ଆପ୍ର : ଗଜପତି ଜିଲ୍ଲା ପାରଳାଖେମୁଣ୍ଡି ଷ୍ଟାଡିୟମ ନିକଟସ୍ତ ଇଣ୍ଡିଆନ ପେଟ୍ରୋଲ ବଙ୍କ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ମୃତ ଆଉ ଜଣେ ଆହତ ।
ଚାଲି ଚାଲି ଯାଉଥିବା ସମୟରେ ପଛପଟୁ ଦ୍ରୁତଗତିରେ ଆସୁଥିବା ବାଇକ ଧକ୍କା ହେବା ଫଳରେ ଘଟଣା ସ୍ଥଳରେ ବ୍ୟକ୍ତିଙ୍କର ମୃତ୍ୟୁ ହୋଇଛି । ମୃତ ବ୍ୟକ୍ତି ପାରଳାଖେମୁଣ୍ଡି ଦାମୋଦର ବିହାର ବାସିନ୍ଦା ଆର୍ତ୍ତତ୍ରାଣ ପଣ୍ଡା । ପୁଡୁଣି ଗ୍ରାମର ଆହାତଙ୍କ ନାମ ଏସ .କିରଣ ବୋଲି ଜଣାପଡିଛି । ଆଜି ସକାଳୁ ଆର୍ତ୍ତତ୍ରାଣ ସନି ମନ୍ଦିରରେ ଦର୍ଶନ ସାରି ଫେରିବା ସମୟରେ ପଛ ପଟରୁ ଗୋଟିଏ ବାଇକ ଦ୍ରୁତ ଗତିରେ ଆସି ଧକ୍କା ଦେଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ଆର୍ତ୍ତତ୍ରାଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଯାଇଥିଲା ।
ବାଇକ ଅରୋହୀ ନିଜେ ଭାରସାମ୍ୟ ହରାଇ କିଛି ଦୂରରେ ଛିଟିକି ହୋଇପଡିଥିଲେ । ଉଭୟଙ୍କୁ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସେଠାରେ ଆର୍ତ୍ତତ୍ରାଣଙ୍କୁ ଡାକ୍ତର ମୃତ ଘୋଷଣା କରିଛନ୍ତି । ଆହତଙ୍କ ଚିକିତ୍ସା ଜାରି ରହିଛି।ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ପ୍ରାଥମିକ ତଦନ୍ତରେ ବାଇକ ଚାଳକ ଜଣକ ନିଶାସକ୍ତ ଅବସ୍ଥାରେ ବାଇକ ଚଳାଉଥିବା ଅନୁମାନ କରାଯାଉଛି ।
