ରାୟଗଡା, (୨୦/୦୬) : ଆପ୍ର : ଜେ.କେ କାଗଜ କଳର ପୂର୍ବତନ ଅଧ୍ୟକ୍ଷ ସ୍ୱର୍ଗତ ହରି ଶଙ୍କର ସିଂଘାଣିଆଙ୍କ ୯୩ତମ ଜନ୍ମ ଦିନ ପାଳନ ।
ଏହି ଅବସରର ଜେ.କେ କାଗଜ କଳର ପୁର୍ବତନ ଅଧ୍ୟକ୍ଷ ରାୟଗଡ଼ା ରକ୍ତ ଭଣ୍ଡାର ସହଯୋଗରେ ଏକ ରକ୍ତଦାନ ଶିବିର ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବରେ କାର୍ଯ୍ୟନିର୍ବାହୀ ଉପସଭାପତି (କାର୍ମିକ) ବିନୟ ଦ୍ଵିବେଦୀ ଉଦଘାଟନ କରିଥିଲେ। ଏହି ଶିବିରରେ କାଗଜ କଳର କର୍ମଚାରୀ ଓ ତାଙ୍କ ପରିବାର ବର୍ଗ ରକ୍ତଦାନ କରିଥିବା ବେଳେ, ମୋଟ ୧୬୬ ୟୁନିଟ୍ ରକ୍ତ ସଂଗ୍ରହ ହୋଇଥିଲା। ଉଦଘାଟନ ସମାରୋହରେ ବିଶ୍ଵଜିତ ଦ୍ଵିବେଦୀ, ଉପସଭାପତି (ବାଣିଜ୍ଯ),ସନ୍ଦୀପ ପାଣ୍ଡେ, ମହାପ୍ରବନ୍ଧକ ମାନବ ସମ୍ବଳ ବିକାଶ ଜେକେ ଡିସ୍ପେନ୍ସାରି ମୁଖ୍ୟ ଚିକିତ୍ସା ଅଧିକାରୀ ଡା. କେ ଭି ଆର୍ ରାଓ ଓ ଡଃ.କେ ଶ୍ରୀକାନ୍ତ ଉପସ୍ଥିତ ଥିଲେ । ରାୟଗଡା ରକ୍ତ ଭଣ୍ଡାରର ଡା. ସୁଦୀପ୍ତ କୁମାର ରାମ, ଡା କେ ନବୀନ, ସହାୟକ ଉମାକାନ୍ତ ମିଶ୍ର, ଜଗନ୍ ରାଜ୍ ପଟ୍ଟନାୟକ, ଉଷା ରାଣୀ ବେହୁରିଆ ପ୍ରମୁଖ ଉପସ୍ଥିତ ରହି ରକ୍ତ ସଂଗ୍ରହ କରିଥିଲେ । ଜେକେ କାଗଜ କଳର ଜନକଲ୍ୟାଣ ବିଭାଗର ଉପ- ମହାପ୍ରବନ୍ଧକ ରଞ୍ଜିତ କୁମାର ଦାସ, ଶିବପ୍ରସାଦ ରଥ, ସହ ପ୍ରବନ୍ଧକ, ଶିବଙ୍କର ପଣ୍ଡା, ସିନିୟର ଅଫିସର କାର୍ଯ୍ୟକ୍ରମକୁ ପରିଚାଳନା କରିଥିଲେ ।
