ସୁବର୍ଣ୍ଣପୁର, (୧୧/୦୬): ଆପ୍ର : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ କାର୍ଯ୍ୟାଳୟରେ ବିଜୁ ଜନତା ଦଳ ତରଫରୁ ଭତ୍ତା ପାଇଁ ଆଜି ବିକ୍ଷୋଭ ପ୍ରଦର୍ଶନ କରାଯାଇଛି ।
ଦୀର୍ଘ ୩ ମାସ ହେଲା ବୃଦ୍ଧବୃଦ୍ଧାଙ୍କୁ ମିଳିନାହିଁ ଭତ୍ତା ଟଙ୍କା । ଯେଉଁଥିପାଇଁ ହିତାଧିକାରୀ ବହୁ ଅସୁବିଧା ଭୋଗୁଛନ୍ତି । ପ୍ରକାଶ ଥାଉକି ହଜାର ହଜାର ହିତାଧିକାରୀ ବିନିକା ବସଷ୍ଟାଣ୍ଡରୁ ଏକ ବିଶାଳ ଶୋଭାଯାତ୍ରାରେ ବାହାରି ବିନିକା ବ୍ଲକ କାର୍ଯ୍ୟାଳୟକୁ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହ ବିଡ଼ିଓଙ୍କ ଜରିଆରେ ଜିଲ୍ଲାପାଳ ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି ।ଦୀର୍ଘ ୩ ମାସହେଲା ବୃଦ୍ଧବୃଦ୍ଧାଙ୍କୁ ଭତ୍ତା ଟଙ୍କା ମିଳୁ ନ ଥିବାରୁ ଔଷଧ କିଣିବା ଠାରୁ ଆରମ୍ଭ କରି ବହୁ କଷ୍ଟରେ ଚଲୁଥିବି ହିତାଧିକାରୀ ପ୍ରକାଶ କରିଛନ୍ତି । ପୂର୍ବ ବିଜେଡି ସରକାର ରେ ମାସକୁ ମାସ ଭତ୍ତା ସହିତ ବୃଦ୍ଧ ବୃଦ୍ଧା ଙ୍କୁ ଛତା, ଚପଲ ଏବଂ କମ୍ବଳ ପାଇଁ ମଧ୍ୟ ଟଙ୍କା ପ୍ରଦାନ କରାଯାଉଥିଲା ।
ହେଳେ ଏହି ସରକାର ଭତ୍ତା ଦେଇ ପାରୁନାହିଁ ବୋଲି ବିଜେଡି କର୍ମୀ ମାନେ ଅଭିଯୋଗ କରିଥିଲେ । ତୁରନ୍ତ ସରକାର ବୃଦ୍ଧବୃଦ୍ଧାଙ୍କୁ ମାସକୁ ମାସ ଭତ୍ତା ଯୋଗାଇଦେବା ସହିତ ଛତା, ଚପଲ, ଏବଂ କମ୍ବଳ ପାଇଁ କୁ ଟଙ୍କା ପ୍ରଦାନ କରିବାକୁ ଦାବି କରାଯାଇଛି । ଏହି ବିକ୍ଷୋଭ ପ୍ରଦର୍ଶନ ରେ ଜିଲ୍ଲା ଯୁବ ବିଜେଡି ସଭାପତି ଅଶୋକ ନନ୍ଦ, ବିନିକା ବ୍ଲକ ବିଜେଡି ସଭାପତି ଦ୍ୱାରିକାନାଥ ସାହୁ, ଏନଏସି ଅଧ୍ୟକ୍ଷ ସୁବାଶ ଚନ୍ଦ୍ର ଭୋଇ, ଉପାଧ୍ୟକ୍ଷା ତପସ୍ଵିନୀ ମେହେର , ଜୁଲୁଣ୍ଡା ସରପଞ୍ଚ ରଜତ ପଧାନ,ବିନିକା ନଗର ସଭାପତି ସୋମନାଥ ମିଶ୍ର ପ୍ରମୁଖ ଙ୍କ ସମେତ ବହୁ ବିଜେଡି କର୍ମୀ ଏବଂ ହିତାଧିକାରୀ ସାମିଲ ଥିଲେ ।
