ଗୁଣପୁର//ରାମନାଗୁଡା, (୭/୬) : ଆପ୍ର : ସଙ୍ଗଠନ ହିଁ, ଏକ ଜାତି ଓ ଧର୍ମର ପରିଚୟ । ସଙ୍ଗଠନ ବିନା ସମାଜରେ କୌଣସି ଗୋଷ୍ଠୀ ର ସ୍ଥିତି ନାହିଁ ।
ଏହି ପରିପ୍ରେକ୍ଷୀରେ ହଜିଯାଉଥିବା ଜାତାପୁ ସମାଜ (ଜାତି)ର ପରିଚୟକୁ ପୁନଃ ଉଦ୍ଧାର କରିବା ଉଦ୍ଦେଶ୍ୟରେ ଆଜିର ଏହି ଜାତାପୁ ସମାଜ ପ୍ରତିଷ୍ଠା ସମାରୋହ । ରାମନାଗୁଡା ବ୍ଲକ ରାମନାଗୁଡା ସ୍ଥିତ କଲ୍ୟାଣ ମଣ୍ଡପ ଠାରେ ଆୟୋଜିତ “ଓଡିଶା ଜାତାପୁ ସମାଜ” ଓଡ଼ିଶାର ପ୍ରତିଷ୍ଠା ଦିବସକୁ ଆଜି ରାୟଗଡ଼ା ଓ ଗଜପତି ଜିଲ୍ଲାର ଶହଶହ ସଂଗଠକ ଯୋଗଦେଇ ଅତି ଆଡ଼ମ୍ବରରେ ପାଳନ କରିଥିଲେ । ସଙ୍ଗଠନ ର ଆବାହକ ମୀନାକା ନରେନ୍ଦ୍ର ନାଥ , ସଭାପତି ପୁଆଲା ନାଗଭୂଷଣ ରାଓ , ମାଣ୍ଡାଙ୍ଗି ରାମଚନ୍ଦ୍ର , ମୀନାକା କୃପାଳିନୀ , ମାଣ୍ଡାଙ୍ଗି ସନ୍ତୋଷ ପ୍ରସାଦ ମଞ୍ଚାସିନ ଥିଲେ । ପ୍ରଥମେ ଭଗବାନଙ୍କ ନିକଟରେ ପ୍ରଦୀପ ପ୍ରଜ୍ବଳନ ସହ ପୁଷ୍ପମାଲ୍ୟ ଅର୍ପଣ କରି କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା ।
ମଞ୍ଚାସିନ ଅତିଥିମାନଙ୍କୁ ଉପଢୌକନ ଓ ଫୁଲତୋଡ଼ା ଦେଇ ସମ୍ମାନିତ କରାଯାଇଥିଲା । ଅତିଥି ମାନେ ନିଜ ଅଭିଭାଷଣରେ କହିଥିଲେ ଯେ , ଜାତାପୁ ସଙ୍ଗଠନଟି ଜାତାପୁ ସମାଜର ଏକତା , ସୁରକ୍ଷା ଓ ସାମଗ୍ରିକ ବିକାଶ , ଓଡ଼ିଶା ଜାତାପୁ ସମାଜକୁ ପଞ୍ଜୀକରଣ କରିବା , ସମସ୍ତ ଜାତାପୁ ପରିବାରକୁ ସଙ୍ଗଠନରେ ସାମିଲ କରିବା , ବ୍ଲକ ସ୍ତରୀୟ ମଣ୍ଡଳ କମିଟି ସୁଦୃଢ଼ କରିବା , ଯୁବଶକ୍ତି ର ସାମଗ୍ରିକ ବିକାଶ , ବାଳିକା ମାନଙ୍କ ଶିକ୍ଷାକୁ ପ୍ରାଧାନ୍ୟ , ସମାଜର କୁସଂସ୍କାର ଗୁଡ଼ିକୁ ନିରାକରଣ , ଜମି ପଟ୍ଟା ରେ ଜାତି ସଂଶୋଧନ ସ୍ତରରେ ପଦକ୍ଷେପ ଆଦି କାର୍ଯ୍ୟକ୍ରମକୁ ଅତି ଦୃଢତାର ସହ ପଦକ୍ଷେପ ନେବାକୁ ସ୍ଥିର କରିଛି । ଆଜିର ସମାରୋହରେ ପାଞ୍ଚ ଜଣିଆ “କେନ୍ଦ୍ରିୟ କମିଟି” ଗଠନ କରାଯାଇଥିଲା । ଏହି କମିଟି ଆଗାମୀ ଦିନରେ ସମାଜର ସାଙ୍ଗଠନିକ ଦାୟିତ୍ଵ ନିର୍ବାହ କରିବାକୁ ସ୍ଥିର କରାଗଲା । ଆଜିର ଏହି କାର୍ଯ୍ୟକ୍ରମକୁ ଗୋବିନ୍ଦ ଚନ୍ଦ୍ର ପିରିପାକା, ପଦ୍ମନାଭ ପାତିକା, ଜଗନ୍ନାଥ ମାଣ୍ଡାଙ୍ଗି, ପ୍ରକାଶ କଣ୍ଡାଗରି , କାନ୍ତାରାଓ ନିମାଲା, ଶ୍ରୀନିବାସ ପାତିକା, କୈଳାସ ମାଣ୍ଡାଙ୍ଗି, ଚାଣ୍ଟି ନିମାଲା, ସେନାପତି କଣ୍ଡାଗରୀ ପ୍ରମୁଖ ସହଯୋଗ କରିଥିଲେ ।
