ଖୋର୍ଦ୍ଧା//ବାଲୁଗାଁ, (୦୫/୦୬) : ଆପ୍ର : ବାଇକକୁ ଧକ୍କା ଦେଲା କାର, ତିନି ଗୁରୁତର । ଖୋର୍ଦ୍ଧା ଜିଲ୍ଲା ବାଲୁଗାଁ ବାଇପାସ ନାଚୁଣୀ ଥାନା ୧୬ ନଂ ଜାତୀୟ ରାଜପଥ ସରଳସିଂହ ଗାଁ ନିକଟ ଛକରେ ଏକ ବାଇକକୁ ଧକା ଦେଲା କାର ।
କାରଟି ଭୁବନେଶ୍ୱରରୁ ଗଞ୍ଜାମ ଅଭିମୁଖେ ଯାଉଥିବା ସମୟରେ ଘଟିଛି ଦୁର୍ଘଟଣା । ବାଇକ ଚାଳକ ସମେତ ବସିଥିବା ଦୁଇ ମହିଳା ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ପ୍ରଥମେ ବାଲୁଗାଁ ଡାକ୍ତରଖାନା ଓ ପରେ ଅବସ୍ଥା ଗୁରୁତର ହେବାରୁ ସମସ୍ତ ୩ ଆହତଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ସେମାନେ ସମସ୍ତେ ସମ୍ପର୍କରେ ସ୍ୱାମୀ, ସ୍ତ୍ରୀ ଓ ଶାଳୀ ବୋଲି ଜଣା ପଡିଛି । ସ୍ଥାନୀୟ ବାସିନ୍ଦା କ୍ଷତି ପୂରଣ ଦାବୀ ନେଇ ଘଟଣା ସ୍ଥଳ ୧୬ ନଂ ଜାତୀୟ ରାଜପଥ ସରଳସିଂହ ଛକରେ ଦୀର୍ଘ ଏକ ଘଣ୍ଟା ଧରି ଉଭୟ ପଟର ରାସ୍ତା ଅବରୋଧ କରିଥିଲେ ସ୍ଥାନୀୟ ଲୋକେ । ନାଚୁଣୀ ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାପରେ ରାସ୍ତା ଅବରୋଧ ହଟିଥିଲା । ସେପଟେ କାର ଡ୍ରାଇଭର ଥାନାରେ ଅଟକ ।
