- ହେଲେ ବିପତ୍ତି ବେଳେ ନେତାମନ୍ତ୍ରୀଙ୍କ ଦେଖା ନାହିଁ । ପ୍ରସାଶନ ଓ ସରକାରୀ ଜଳବନ୍ଦୀ ଲୋକଙ୍କ ପାଖରେ ପହଞ୍ଚି ନାହିଁ
ପୁରୁଷୋତ୍ତମପୁର, (୩୦/୧୦) : ଆପ୍ର : ଋଷିକୁଲ୍ୟା ନଦୀ ବନ୍ୟାର ପ୍ରକୋପରେ ଦୋହଲିଯାଇଛି ସାରା ପୁରୁଷୋତ୍ତମପୁର ବ୍ଲକ୍ ଅଞ୍ଚଳର ଧନଜନଜୀବନ ।
ବନ୍ୟାଜଳ ହ୍ରାସ ପାଇଛି, ହେଲେ ଲୋକଙ୍କ ଦୁର୍ଦ୍ଦଶା କମିବାର ନାଁ ଧରୁନାହିଁ । କାହାର ଘରେ ବନ୍ୟାର ଯନ୍ତ୍ରଣା, ତ ଆଉ କାହାର ଚାଷଜମିରେ ଉଜୁଡ଼ିଯାଇଛି ବର୍ଷକର ଫସଲ । କା ଘରେ ଦୁଇ ଦିନ ଧରି ପିଲାଛୁଆ ଭୋକ ଉପାସରେ ଦିନ କାଟୁଛନ୍ତି । ଜୀବନ ଓ ଜୀବିକାକୁ ନେଇ ଚିନ୍ତାରେ ଦିନ କାଟୁଛନ୍ତି ହଜାର ହଜାର ପରିବାର।ଗତ କାଲି ବନ୍ୟା ଜଳ ସହର ମଧ୍ୟକୁ ପଶି ଯେଉଁ ତାଣ୍ଡବ ରଚିଛି ସେଥିରୁ ସହର ବାସୀ ନିଜ ଉଜୁଡା ସଂସାରକୁ ସଜାଡ଼ିବା ପାଇଁ ଚେଷ୍ଠା କରୁଛନ୍ତି । କିନ୍ତୁ ଦୁଃଖ ଓ ପରୀତାପ ର ବିଷୟ ହେଲା ଏତେବଡ଼ ଦୁର୍ଦ୍ଦିନରେ କୌଣସି ନେତା କି କର୍ମୀଙ୍କ ଦେଖା ନାହିଁ ।
ଯାହାଫଳରେ କନକା, କୁମାରୀ ୱାର୍ଡର ଲୋକମାନେ ଅତିଷ୍ଠ ହୋଇପଡିଛନ୍ତି ସେହି ୱାର୍ଡ ମାନଙ୍କରେ ବର୍ତ୍ତମାନ ସୁଦ୍ଧା ପାଣି ଘେରି ରହିଛି ଯାହାଫଳରେ ଲୋକମାନେ ରାଜରାସ୍ତାକୁ ଆସି ପ୍ରତିବାଦ କରୁଥିବାର ଦେଖିବାକୁ ମିଳିଛି ଲ ଫଳସ୍ୱରୂପ ସ୍ଥାନୀୟ କାର୍ୟନିର୍ବାହୀ ଅଧିକାରି ଲୋକଙ୍କ ଆକ୍ରୋଶର ଶିକାର ହେବାକୁ ପଡିଛି ସେମାନେ ଅଧିକାରୀଙ୍କୁ ଘେରାଉକରୀ ବିଭିର୍ନ ପ୍ରକାରର ସମସ୍ୟା କୁ ଉପସ୍ଥାପନ କରିଥିଲେ l ଓ ତୁରନ୍ତ ସମାଧାନ କରିବାକୁ ଦାବି କରିଥିଲେ ।
ଏଠାରେ ସୂଚନାଥାଉ ନିର୍ବାଚନ ଆସିଲେ ଭୋଟ ପାଇଁ ଘରେ ଘରେ ପହଞ୍ଚୁଥିବା ନେତାମାନେ ଆଜି ବିପନ୍ନଙ୍କ ଦୁଃଖ ଶୁଣିବାକୁ କାହିଁକି ଆସୁନାହାନ୍ତି ବୋଲି ଅଞ୍ଚଳରେ ଅସନ୍ତୋଷ ପ୍ରକାଶ ପାଉଛି । ବିପଦ ବେଳେ ଜନତାଙ୍କ ପାଖରେ ଛିଡ଼ା ହେବା ହିଁ ଜନପ୍ରତିନିଧିଙ୍କ ପ୍ରକୃତ ଦାୟିତ୍ୱ, କିନ୍ତୁ ଏହି ଦାୟିତ୍ୱ ପାଳନରେ ଅବହେଳା ହେଉଥିବା ଅଭିଯୋଗ ଉଠୁଛି । ଏତଦ ବ୍ୟତୀତ କ୍ଷତିଗ୍ରସ୍ତଙ୍କୁ ତୁରନ୍ତ ସହାୟତା, ଚାଷୀଙ୍କୁ କ୍ଷତିପୂରଣ, ଘରଭଙ୍ଗା ଲୋକଙ୍କୁ ଆର୍ଥିକ ସହଯୋଗ ଏବଂ ଦୁର୍ଗତ ଅଞ୍ଚଳରେ ଯୁଦ୍ଧକାଳୀନ ଭିତ୍ତିରେ ରିଲିଫ୍ ବ୍ୟବସ୍ଥା କରିବା ପାଇଁ ଜନସାଧାରଣରେ ଦାବି ଜୋର ଧରିଛି । ଆସନ୍ତୁ ଜନସାଧାରଣ କଣ୍ କହିଛନ୍ତି ଶୁଣିବାକୁ ବାକି ରହିଲା ।
