ଗଜପତି, (୨୭/୦୬) : ଆପ୍ର : ବଜ୍ରପାତରେ ବଡ଼ ଭାଇର ମୃତ୍ୟୁ ହୋଇଥିବା ବେଳେ ସାନ ଭାଇ ଗୁରୁତର ଆହତ ହୋଇଛନ୍ତି ।
ଏଭଳି ଦୁଃଖଦ ଘଟଣା ଘଟିଛି ଗଜପତି ଜିଲ୍ଲା ରା. ଉଦୟଗିରି ଥାନା ଅନୁଗୁର କଟାମା ଗାଁ’ରେ । ମୃତ ବଡ଼ ଭାଇ ଜେରଦ ରଇତ ହୋଇଥିବା ବେଳେ ସାନ ଭାଇ ମୋଜେସ ଗୁରୁତର ଅଛନ୍ତି । ଆଜି ମଧ୍ୟାହ୍ନ ରେ କଟlମା ଗାଁ’ରୁ ଦୁଇ ଭାଇ ରାସନ ଚାଉଳ ପାଇଁ ଅନୁଗୁର ପଞ୍ଚାୟତ କୁ ଯାଉଥିଲେ । ଏହି ସମୟରେ ବର୍ଷା ସହ ବଜ୍ରପାତ ଯୋଗୁଁ ଦୁଇ ଭାଇ ଗୁରୁତର ହୋଇ ଯାଇଥିଲେ । ପରିବାର ଲୋକ ତୁରନ୍ତ ଉଦ୍ଧାର କରି ରା.ଉଦୟଗିରି ମେଡିକାଲ ରେ ଭର୍ତି କରିଥିଲେ । ତେବେ ଡାକ୍ତର ବଡ଼ ଭାଇ ଜେରଦଙ୍କୁ ମୃତ ଘୋଷଣା କରିଛନ୍ତି । ସାନ ଭାଇ ଗୁରୁତର ଥିବାବେଳେ ତାଙ୍କର ଚିକିତ୍ସା ଜାରି ରହିଛି । ରା. ଉଦୟଗିରି ଥାନା ପୋଲିସ ଘଟଣାର ତଦନ୍ତ କରୁଛି ।
