ବଲାଙ୍ଗିର, (୧୪/୧୧) : ଆପ୍ର : ବଲାଙ୍ଗିର ପଥରଚେପା ପଡ଼ିଆରେ ରାଜ୍ୟସ୍ତରୀୟ ପ୍ରଧାନମନ୍ତ୍ରୀ ଆବାସ (ଗ୍ରାମୀଣ) ବଣ୍ଟନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂ ଚୌହାନ ହେଲିକପ୍ଟର ଯୋଗେ ଆସି ପଥରଚେପା ପଡ଼ିଆରେ ପହଞ୍ଚିଛନ୍ତି । ଉପମୁଖ୍ୟମନ୍ତ୍ରୀ ତଥା କୃଷି ମନ୍ତ୍ରୀ କନକ ବର୍ଦ୍ଧନ ସିଂହଦେଓ, ସ୍ୱାସ୍ଥ୍ୟ ମନ୍ତ୍ରୀ ଡ. ମୁକେଶ ମହଲିଙ୍ଗ, ଗ୍ରାମ୍ୟ ଉନ୍ନୟନ ଓ ପଞ୍ଚାତିରାଜରାଜ ମନ୍ତ୍ରୀ ରବି ନାରାୟଣ ନାଏକଙ୍କ ସହ ବଲାଙ୍ଗିର ସାଂସଦ ସଙ୍ଗୀତା ସିଂହଦେଓ, କଂଟାବାଞ୍ଜି ବିଧାୟକ ତଥା ଜିଲା ଯୋଜନା ବୋର୍ଡ ଅଧ୍ୟକ୍ଷ ଲକ୍ଷ୍ମଣ ବାଗ, ଟିଟିଲାଗଡ଼ ବିଧାୟକ ନବୀନ ଜୈନ, ପଞ୍ଚାୟତି ରାଜ ବିଭାଗ ସଚିବ ରୁପା ମିଶ୍ର ପ୍ରମୁଖ ମଞ୍ଚାସୀନ ଅଛନ୍ତି । ଜିଲ୍ଲାର ୧୫ହଜାରରୁ ଅଧିକ ଜନସଧାରଣଙ୍କ ସମାଗମ ହୋଇଛି ।
