କଟକ // ବାରଙ୍ଗ, (୩୧/୦୫) : ଆପ୍ର : ବାରଙ୍ଗରେ ଛୁରାମାଡ଼, ୪ ଆହତ । ଆଇ’ଙ୍କ ଦଶାହ କାର୍ଯ୍ୟରେ ଯୋଗଦେବାକୁ ଆସିଥିବା ବେଳେ ଛୁରାମାଡ଼ ଓ କାଚ ବୋତଲରେ ଆକ୍ରମଣ ।
ଏ ନେଇ ବାରଙ୍ଗ ଥାନାରେ ଅଭିଯୋଗ ହୋଇଛି । ଭୁବନେଶ୍ୱର ନନ୍ଦନବିହାର ଅଞ୍ଚଳରେ ରହୁଥିବା ଆଠଗଡ଼ ଥାନା ଅନ୍ତର୍ଗତ ବେଣ୍ଟପଦା ଗ୍ରାମର ଲକ୍ଷ୍ମୀଧର ରାଉଳ ଶାଶୁଙ୍କ ଶୁଧିଘର ପାଇଁ ପରିବାର ସହ ବାରଙ୍ଗ ବ୍ଲକ ନିକଟ ପୁରୀ ମୂଖ୍ୟ କେନାଲକୁ ଆସିଥିଲେ । ଏହି ସମୟରେ ପପୁ ନାମକ ଯୁବକ ଦୃତ ଗତିରେ ବାଇକ୍ ନେଇ ସେହି ବାଟରେ ଯାଇଥିଲା । ଏଭଳି ଗାଡି ନ ଚଲାଇବାକୁ ପପୁକୁ ଡାକି ଲକ୍ଷ୍ମୀଧରଙ୍କ ପୁଅ ଆକାଶ ବାରଣ କରିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା । ଏଥିରେ ଉତ୍ୟକ୍ତ ହୋଇ ପପୁ ତାର ସହଯୋଗୀମାନଙ୍କୁ ଡାକି ସମସ୍ତଙ୍କୁ ମାରଧର କରିଥିଲା । ଏପରିକି ଲକ୍ଷ୍ମୀଧର ଓ ତାଙ୍କ ପୁଅ ଆକାଶକୁ ଛୁରୀ ଓ କାଚ ବୋତଲରେ ଆକ୍ରମଣ କରିଥିଲା । ଏଥିସହ ଆକାଶଙ୍କ ବାଇକକୁ ନେଇ ପଳାଇ ଆସିଥିଲେ ବୋଲି ବାରଙ୍ଗ ଥାନାରେ ଲକ୍ଷ୍ମୀଧରଙ୍କ ପତ୍ନୀ ସୁକାନ୍ତି ଅଭିଯୋଗ କରିଛନ୍ତି ।
