ବ୍ରହ୍ମପୁର, (୨୧/୦୬) : ଆପ୍ର : ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନଙ୍କ ବ୍ୟକ୍ତିଗତ ସହାୟକ (ପିଏ) ବୋଲି ପରିଚୟ ଦେଇ ଲୋକଙ୍କୁ ଠକେଇ କରୁଥିବା ଜଣେ ଯୁବକଙ୍କୁ ଟାଉନ୍ ଥାନା ପୋଲିସ୍ ଗିରଫ କରିଛି ।
ସେ ହେଲେ ଗୋଳନ୍ଥରା ଥାନା ଅନ୍ତର୍ଗତ ପଞ୍ଚମା ମହାନ୍ତି ସାହିର ଜଗନ୍ନାଥ ମଣ୍ଡଳ (୨୮)। ସେହିପରି ପୂର୍ବରୁ ଅଭିଯୁକ୍ତ ଜଗନ୍ନାଥ ମଣ୍ଡଳ ନାଁରେ ବଡ଼ବଜାର ଥାନା କେସ୍ ନଂ ୪୨୯/୨୪ ରେ ଗିରଫ ହୋଇ ଜେଲ ଯାଇଥିଲେ । ସୁରଟ ଓ ବ୍ରହ୍ମପୁରରେ ରହି ରାଜନୈତିକ ନେତାଙ୍କ ପିଏ ସାଜି କର୍ମୀଙ୍କୁ ଠକୁଥିଲେ ବୋଲି ଅଭିଯୋଗ ହୋଇଥିବା ପୋଲିସ ଜାଣିବାକୁ ପାଇଛି । ଏନେଇ ଵ୍ରହ୍ମପୁର ଏସପି ଡା.ସର୍ଵଣା ବିବେକ ଏମ. ଏକ ପ୍ରେସନୋଟ ଜରିଆରେ ଏନେଇ ସୂଚନା ଦେଇଛନ୍ତି । ଅଭିଯୋଗକାରୀଙ୍କ ଦେଇଥିବା ମୋବାଇଲ ସ୍କ୍ରିନସଟ୍ ଓ ଗୋଟିଏ ସାମସଙ୍ଗ୍ ମୋବାଇଲ୍ ଫୋନ୍ ପୋଲିସ ଜବତ କରି ଘଟଣାର ଅଧିକ ତଦନ୍ତ କରୁଛି । କେସ୍ ନଂ ୨୭୯/ ୨୬ ରେ ତାଙ୍କୁ ଶନିବାର କୋର୍ଟ ଚାଲାଣ କରାଯାଇଛି ।
ଘଟଣାରୁ ପ୍ରକାଶ ଯେ, ଏପ୍ରିଲ୍ ୧ ତାରିଖ ରାତିରେ ରାଜେଶ କୁମାର ପାତ୍ର (୩୩)ଙ୍କ ହ୍ୱାଟ୍ସଆପ୍ ରେ କଲ୍ କରି ନୀତିନ ନବୀନ ବିଜେପି ସଭାପତିଙ୍କ ପିଏ ବୋଲି କହି, ଦଳୀୟ କାର୍ଯ୍ୟ ପାଇଁ ୫୦ ହଜାର ଟଙ୍କା ଦାବି କରିଥିଲେ ଏବଂ ଟଙ୍କା ନ ଦେଲେ ବିଧାୟକଙ୍କ ନିକଟରେ ଅଭିଯୋଗ କରିବାକୁ ଧମକ ଦେଇଥିଲେ । ସେହିପରି ଚିକିଟି ବିଧାୟକ ଙ୍କ ସହାୟକ ଗଣେଶ ନାୟକ (୨୩) ଙ୍କୁ ମଧ୍ୟ ସେହି ନମ୍ବରରେ କଲ୍ କରି ଅଭିଯୁକ୍ତ ୫୦ ହଜାର ଟଙ୍କା ମାଗିଥିଲେ । ଏହାକୁ ନେଇ ଦୁଇଟି ପୃଥକ ମାମଲା ରୁଜୁ ହୋଇଛି ବୋଲି ପୋଲିସ ସୂଚନା ଦେଇଛି ।
