ସୁବର୍ଣ୍ଣପୁର, (୨୦/୦୬) : ଆପ୍ର : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅଧ୍ୟକ୍ଷ୍ୟା ଦିପ୍ତିରେଖା ନନ୍ଦଙ୍କ ଘରକୁ ଗତକାଲି ବିଳମ୍ବିତ ରାତ୍ରି ସମୟରେ ପ୍ରାୟ ୨୫ ରାଉଣ୍ଡ ଗୁଳିମାଡ଼ ହୋଇଛି ।
ଦୁର୍ବୁତ୍ତ ମାନେ ପ୍ରଥମେ ଆସି ଗେଟ୍ କୁ ବାଡ଼େଇବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ଏହି ଗୁଳିମାଡ଼ରେ ଘରେ ଥିବା କୌଣସି ଲୋକଙ୍କ ଦେହରେ ବାଜି ନ ଥିବା ବେଳେ କେବଳ ଘର ଭିତରେ ଓ ବାହାରେ ରଖା ହୋଇଥିବା ଦୁଇଟି କାରର କିଛି ସ୍ଥାନରେ ଗୁଲି ବାଜିଥିବା ଦେଖାଦେଇଛି । ତେଵେ ସିଂଘିଯୁବା ଗାଁ’ର ରାସ୍ତା କଡରେ ଥିବା ଘରର ସମ୍ମୁଖରେ ଗେଟ୍ ସଟର ଓ ଗାଡିରେ ଗୁଳିମାଡ଼ ହୋଇଛି । ଗୋଟିଏ କି ଦୁଇଟି ନୁହେଁ ପଚିଶ ଟି ରାଉଣ୍ଡ ଗୁଳି ଚଳାଇ ଦୁର୍ବୃତ୍ତ ମାନେ ଫେରାର ମାରିଥିବା ଜଣାପଡିଛି । ତାହା ସିସିଟିଭିରେ ଚିତ୍ର ମଧ୍ୟ କଏଦ ହୋଇଛି । ହେଲେ ବର୍ତମାନର ବ୍ଲକ ଅଧ୍ୟକ୍ଷ୍ୟା ଦିପ୍ତିରେଖା ନନ୍ଦଙ୍କ ସ୍ୱାମୀ ଅଶୋକ ନନ୍ଦ ବର୍ତ୍ତମାନ ବିଜେଡି ର ଯୁବ ଜିଲ୍ଲା ସଭାପତି ଅଛନ୍ତି । ଶ୍ରୀ ନନ୍ଦ ପୂର୍ବତନ ବିନିକା ବ୍ଲକ ଅଧ୍ୟକ୍ଷ ଥିଲେ ।
କିଏ ସେହି ବ୍ୟକ୍ତି କେଉଁ କେଉଁ ଉଦ୍ଦେଶ୍ୟରେ ଏତେ ଥର ଗତକାଲି ବିଳମ୍ବିତ ରାତ୍ରି ସମୟରେ ଗୁଳି କରିଛି ତାହା ଜଣାପଡିନାହିଁ । ପୁଲିସ ଘଟଣା ସ୍ଥଳରେ ପହଞ୍ଚି ନିଜ ଘରେ ଲାଗିଥିବା ସିସିଟିଭି ସହିତ ଆଖପାଖ ଅଞ୍ଚଳରେ ଲାଗିଥିବା ବିଭିନ୍ନ ସିସିଟିଭି ଫୁଟେଜକୁ ଯାଞ୍ଚ କରିବା ସହ ଅଧିକ ତଦନ୍ତ କରୁଥିବା ଜଣାପଡିଛି । ଅପରପକ୍ଷରେ ନନ୍ଦଙ୍କ କାହାରି ସହିତ ପୂର୍ବ ଶତ୍ରୁତା ନାହିଁ କି ରାଜନୈତିକ ଶତ୍ରୁତା ନ ଥିବା ଶ୍ରୀ ନନ୍ଦ ପ୍ରକାଶ କରିଛନ୍ତି ।
ତେଣୁ ଏହି ଘଟଣାର ନିରପେକ୍ଷ ତଦନ୍ତ ଦାବୀ କରିଛନ୍ତି ରାଜ୍ୟ ବିଜେଡ଼ି ସମ୍ପାଦକ ନାରାୟଣ ଲୁହା l ତେବେ ଜିଲ୍ଲା ପୁଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଆଖ ପାଖର ସିସିଟିଭି ଯାଞ୍ଚ କରିବା ସହିତ ଘଟଣାର ତଦନ୍ତ ଆରମ୍ଭ କରିଛନ୍ତି । ବଲାଙ୍ଗୀର ସାଇଣ୍ଟିଫିକ୍ ଟିମ୍ ଆସି ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି । ଏହି ଘଟଣାରେ ସମ୍ପୃକ୍ତ ଥିବା ବ୍ୟକ୍ତି ବିଶେଷ ମାନଙ୍କ ବିରୁଦ୍ଧରେ ଜିଲ୍ଲା ପୁଲିସ ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳର ଜନ ସାଧାରଣ ଦାବୀ କରିଛନ୍ତି ।
