ମୟୁରଭଞ୍ଜ // କରଞ୍ଜିଆ, (୨୬/୦୫) : ଆପ୍ର : ମୟୁରଭଞ୍ଜ ଠାକୁରମୁଣ୍ଡା ବ୍ଲକରେ କାଳବୈଶାଖୀର ତାଣ୍ଡବ । ଠାକୁରମୁଣ୍ଡା ଖଡ଼ବନ୍ଧ ମଜୁରାପୋଷିରେ ଗଛ ପଡି ମାଆ ଆହାତ ଓ ଝିଅର ମୃତ୍ୟୁ ।
ମୃତକ ହେଲେ ମଜୁରାପୋଷିର ଦୁର୍ଯୋଧନ ପାତ୍ରଙ୍କ ଝିଅ ସ୍ୱିଟି । ଦୁର୍ଯ୍ୟୋଧନଙ୍କ ପତ୍ନୀ ପୂଜାରାଣୀଙ୍କ ହାତ ଭାଙ୍ଗିଯାଇଥିବା ବେଳେ, ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଆଜି ଅପରାହ୍ଣରେ କାଳବୈଶାଖୀରେ ଦୁର୍ଯ୍ୟୋଧନଙ୍କ ଘରର ଆଜବେଷ୍ଟସ ଉଡାଇ ନେଇଥିଲା । ପରିବାର ଲୋକ ଏକ ପାଖ ଘରକୁ ଦୌଡ଼ି ଯାଉଥିବା ବେଳେ, ଏକ ବଡ଼ ଡାଳ ପୂଜାରାଣୀ ଓ ସ୍ବିଟିଙ୍କ ଉପରେ ପଡିଯାଇଥିଲା । ଉଭୟଙ୍କ ପରିବାର ଲୋକ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିବା ବେଳେ, ଡାକ୍ତର ଝିଅ ସ୍ବିଟିଙ୍କୁ ମୃତ ଘୋଷଣା କରିଥିଲେ ।
ମାତ୍ର ୩୦ ମିନିଟ ଧରି ଚାଲିଥିବା କାଳବୈଶାଖୀ ରେ ଜଣେ ନାବାଳିକାଙ୍କ ମୃତ୍ୟୁ ଘଟିଥିବାବେଳେ ୨ ଜଣ ମହିଳା ଗୁରୁତର ଆହତ ହୋଇ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧୀନ ଅଛନ୍ତି । ଝଡ଼ର ପ୍ରଭାବରେ ବହୁ ଘରର ଛାତ ଉଡିଯାଇଥିବା ସହ ବହୁ ଗଛ ଭାଙ୍ଗି ପଡ଼ିଥିବାରୁ ସମଗ୍ର ଅଞ୍ଚଳ ଅନ୍ଧକାରମୟ ହୋଇପଡ଼ିଛି ।
ଏହି କାଳବୈଶାଖୀରେ ଠାକୁରମୁଣ୍ଡା, ଖଣ୍ ତାଳପଦା ଓ ପଡିଆବେଡା ରାଜସ୍ୱ ସର୍କଲ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି । ବହୁ ଘର ଆଂଶିକ ଭାବେ କ୍ଷତିଗ୍ରସ୍ତ ହୋଇଥିବା ବେଳେ ଅନେକ ଗଛ ଓ ବିଦ୍ୟୁତ ଖୁଣ୍ଟ ଭାଙ୍ଗି ପଡ଼ିଛି । ଫଳରେ ଅନେକ ଗ୍ରାମରେ ବିଦ୍ୟୁତ ସରବରାହ ବ୍ୟାହତ ହୋଇଥିବାରୁ ଲୋକମାନେ ଅନ୍ଧାରରେ ରାତି କାଟୁଛନ୍ତି ।
