ବାଲେଶ୍ବର, (୦୬/୦୬) : ଆପ୍ର : ମାରଣାସ୍ତ୍ର ଦେଖାଇ ସୁନା ଦୋକାନରୁ ଲୁଟ୍ ଉଦ୍ୟମ । ପାଟି କରିବାରୁ ମୋବାଇଲ ଛଡ଼ାଇ ଲୁଟେରା ଫେରାର ।
ବାଲେଶ୍ଵର ଚାନ୍ଦିପୁର ଥାନା ପଟାପୋଲ ଛକ ନିକଟରେ ଚାଞ୍ଚଲ୍ୟ । ସୁନା ଦୋକାନରୁ ସଶସ୍ତ୍ର ଡକାୟତି ଉଦ୍ୟମର ସିସିଟିଭି ଫୁଟେଜ ସାମ୍ନାକୁ ଆସିଛି । ଚାନ୍ଦିପୁର ପଟାପୋଲ ଅଞ୍ଚଳର ସଞ୍ଜିତ କାମିଳା ନିଜ ଦୋକାନରେ ଥିବା ବେଳେ ଦୁଇ ଜଣ ଲୁଟେରା ଗ୍ରାହକ ହୋଇ ଆସିଥିଲେ ଆଉ ସୁନା ଦେଖାଇବାକୁ କହିଥିଲେ । ପରେ ଅନ୍ୟ ଜଣେ ଲୁଟେରା ଆସି ମୋବାଇଲ ଫୋନ୍ ଛଡ଼ାଇନେବା ସହ ମାରଣାସ୍ତ୍ର ଦେଖାଇ ଭୟଭିତ କରିଥିଲା । ସଞ୍ଚିତ ଜୋରରେ ପାଟି ପଳାଇବାକୁ ଉଦ୍ୟମ କରୁଥିବା ବେଳେ ଲୁଟେରା ମାନେ ମାଡିବସିଥିଲେ। ଠିକ ସେହି ସମୟରେ ଘର ଲୋକ ପହଞ୍ଚିଯିବାରୁ ୩ଜଣ ଲୁଟେରା ଦୌଡି ପଳାଇଥିଲେ । ଘଟଣାକୁ ନେଇ ଚାନ୍ଦିପୁର ଥାନାରେ ଲିଖିତ ଅଭିଯୋଗ ପରେ ପୋଲିସ ଘଟଣାର ତଦନ୍ତ କରୁଛି ।
