କେନ୍ଦ୍ରାପଡା, (୧୭/୦୬) : ଆପ୍ର : ରାସ୍ତା କଡରେ ଝାଡୁ ବିକୁଥିବା ଜଣେ ଅଣଓଡିଆ ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗ । କେନ୍ଦ୍ରାପଡା ସଦର ଥାନା ଅନ୍ତର୍ଗତ ଜଝାଙ୍ଗ ଅଞ୍ଚଳରେ ଘଟିଛି ଏହି ଘଟଣା ।
ଅଭିଯୋଗ ଅନୁଯାୟୀ, ଜଝାଙ୍ଗ କାଳୀ ମନ୍ଦିର ନିକଟରେ ଝାଡୁ ବିକୁଥିବା ନାବାଳିକାକୁ ଗତ ସୋମବାର ରାତି ସାଢେ ଗୋଟାଏ ବେଳେ ପରିସ୍ରା କରିବା ପାଇଁ ଉଠିଥିବା ବେଳେ ଆକାଶ ନାମକ ଜଣେ ଯୁବକ ଓ ତାଙ୍କ ସାଙ୍ଗ ଉଠାଇ ନେଇ ମାରଣାସ୍ତ୍ର ଦେଖାଇ ଦୁଷ୍କର୍ମ କରିଥିଲେ । ନାବାଳିକା ଅଭିଯୁକ୍ତଙ୍କ ହାତ କାମୁଡି ଦେଇ ଖସି ଆସିଥିଲେ । ପରିବାର ଲୋକେ ଉଠିବା ପରେ ଦୁର୍ବୃତ୍ତ ପଳାଇ ଯାଇଥିଲେ l ଗୁରୁତର ଅବସ୍ଥାରେ ନାବାଳିକାଙ୍କୁ ଚିକିତ୍ସା ପାଇଁ ନିଆଯାଇଛି । ଏ ନେଇ ନାବାଳିକା ପରିବାର ସଦର ଥାନାରେ ଅଭିଯୋଗ କରିଛନ୍ତି ପୀଡିତା ଛତିଶଗଡ ବିଲାସପୁର ଥାନା ଅଞ୍ଚଳର ବାସିନ୍ଦା ବୋଲି ଜଣାପଡିଛି ।
