ଭଦ୍ରକ, (୩୧/୦୫) : ଆପ୍ର : କାଳ ବୈଶାଖୀ ପ୍ରଭାବ ଯୋଗୁ ବଜ୍ରାଘାତରେ ଜଳିଗଲା ତିନି ବଖରା ଘର ।
ଭଦ୍ରକ ଜିଲ୍ଲା ତିହିଡି ବ୍ଲକ ଅଧୀନସ୍ଥ ଦହପାଣିଆ ଗାଁ’ର ବିଷ୍ଣୁ ମୋହନ ମହାଳିକଙ୍କ ତିନି ବଖରା ଘର ଆଜି ବଜ୍ରାଘାତ ଯୋଗୁଁ ଜଳି ଯାଇଥିବା ଦେଖିବାକୁ ମିଳିଛି । ଗାଁ ଲୋକ ଓ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲାବେଳେ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ଥିଲେ । ତେବେ ସେତେବେଳକୁ ଘରଟି ସମ୍ପୂର୍ଣ୍ଣ ଜଳି ଯିବା ସହ ଘରର ଆବଶ୍ୟକ ଜିନିଷ ପତ୍ର ଜଳି ପୋଡ଼ି ନଷ୍ଟ ହୋଇ ଯାଇଛି । ଫଳରେ ପରିବାର ଲୋକେ ନାହିଁ ନଥିବା ଅବସ୍ଥାରେ ଖୋଲା ଆକାଶ ତଳେ ପଡିରହିଥିବା ଦେଖିବା ପାଇଁ ମିଳିଛି । ପ୍ରଶାସନ ତରଫରୁ ତୁରନ୍ତ ସହାୟତା ଯୋଗାଇବା ପାଇଁ ଦାବି ହୋଇଛି ।
