ହିନ୍ଦୋଳ, (୧୨/୦୯) : ଆପ୍ର : ଢେଙ୍କାନାଳ ଜିଲ୍ଲା ହିନ୍ଦୋଳ ଥାନା ଭଗବାନପୁର ଗାଁ’ରେ ଅଘଟଣ। ଘରେ ଶୋଇଥିବା ସମୟରେ ବିଷାକ୍ତ ସାପ କାମୁଡ଼ାରେ ଛାତ୍ରୀ ମୃତ ।
ସୂଚନା ଅନୁଯାୟୀ ଗତ ରାତିରେ ଭଗବାନପୁର ଗ୍ରାମର ମନ୍ଦର ଧର ସାହୁଙ୍କ ୧୩ବର୍ଷୀୟ ଝିଅ ଶ୍ରାବଣୀ ସାହୁ ଘରେ ଶୋଇଥିବା ସମୟରେ ଏକ ବିଷାକ୍ତ ସାପ କାମୁଡି ଦେଇଥିଲା । ତୁରନ୍ତ ପରିବାର ଲୋକେ ହିନ୍ଦୋଳ ଡ଼ାକ୍ତରଖାନାକୁ ନେଇ ଯାଇଥିଲେ । ସ୍ବାସ୍ଥ୍ୟବସ୍ଥା ସଂଙ୍କଟାପର୍ଣ୍ଣ ହେବାରୁ ଡାକ୍ତର ଅନୁଗୁଳ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ । ସେଠାରେ ସ୍ବାସ୍ଥ୍ୟ ଅବସ୍ଥା ସ୍ଥିର ରହିଥିଲା । ଆଜି ଅପରାହ୍ନରେ ଶ୍ରାବଣୀଙ୍କୁ ଡାକ୍ତର ମୃତ ଘୋଷଣା କରିଥିଲେ । ମୃତ ଶ୍ରାବଣୀ ଭକ୍ତପୁର ପ୍ରାଥମିକ ବିଦ୍ୟାଳୟର ସପ୍ତମ ଶ୍ରେଣୀର ଛାତ୍ରୀ ଥିଲେ । ଏହାକୁ ନେଇ ପରିବାରରେ ଶୋକର ଛାୟା ଖେଳିଯାଇଛି ।
