Friday, March 29, 2024

Top 5 This Week

Related Posts

ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପାଇଁ ସରକାର ଓ ସୁରକ୍ଷା ସମିତିର ଆଲୋଚନା ସଫଳ

ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡା,(୦୩/୦୯) : ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପ୍ରସଙ୍ଗରେ ଗୁଣୁପୁର ରୁ ଯାଇଥିବା ଅବବାହିକା ସୁରକ୍ଷା ସମିତିର ପ୍ରତିନିଧି ଦଳ ସହ ଆଜି ରାଜ୍ଯ ସରକାରଙ୍କ ପ୍ରତିନିଧି ଦଳର ଆଲୋଚନା ସଫଳ ହୋଇଛି ।4213f553 d889 41e8 803a d4e7fe4414fb ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପାଇଁ ସରକାର ଓ ସୁରକ୍ଷା ସମିତିର ଆଲୋଚନା ସଫଳ

ଭୁବନେଶ୍ବର ରେ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଜଳସମ୍ପଦ ମନ୍ତ୍ରୀ ଶ୍ରୀ ରଘୁନନ୍ଦନ ଦାସଙ୍କ ସମେତ ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ମନ୍ତ୍ରୀ ଶ୍ରୀ ଜଗନ୍ନାଥ ସାରକା, ବିଧାୟକ ଶ୍ରୀ ପ୍ରଣବ ପ୍ରକାଶ ଦାସ, ବିଧାୟକ ଶ୍ରୀ ଅତନୁ ସବ୍ଯସାଚୀ, ଗୁଣପୁର ବିଧାୟକ ଶ୍ରୀ ରଘୁନାଥ ଗମାଙ୍ଗ, ବିଜୁ ସ୍ବାସ୍ଥ୍ୟ କଲ୍ଯାଣ ଯୋଜନାର ଉପଦେଷ୍ଟା ଶ୍ରୀ ସୁଧିର ଦାସ, ମୁଖ୍ୟମନ୍ତ୍ରୀ ଙ୍କ ସ୍ବତନ୍ତ୍ର ସଚିବ ଶ୍ରୀ ଆର ଭିନିଲ କ୍ରିଷ୍ଣା, ଜଳସମ୍ପଦ ବିଭାଗର ସର୍ବୋଚ୍ଚ ଜନ୍ତ୍ରୀ ଶ୍ରୀ ଧୀରେନ ସାମଲ ପ୍ରମୁଖ ଙ୍କ ଉପସ୍ଥିତିରେ ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପାଇଁ ଆଲୋଚନା ହୋଇଥିଲା ।1e87a5c9 6d53 45f2 ac12 03bab1cc965b ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପାଇଁ ସରକାର ଓ ସୁରକ୍ଷା ସମିତିର ଆଲୋଚନା ସଫଳ

ସୁରକ୍ଷା ସମିତିର ପ୍ରତିନିଧି ଦଳ ବଂଶଧାରା ତଳମୁଣ୍ଡରେ ଆନ୍ଧ୍ରକୁ ପ୍ରକଳ୍ପ କରିବାକୁ ଅନୁମତି ମିଳିବା ପରେ ଉପରମୁଣ୍ଡରେ ଥିବା ଓଡିଶା ବାସୀଙ୍କ କି ପ୍ରକାର ସମସ୍ଯା ହବ, ଆନ୍ଧ୍ର ଗୋଟା ବେରେଜ କରିବା ପରେ ୧୯୮୦ ରେ କିଭଳି ପ୍ରଳୟଙ୍କାରୀ ବନ୍ୟା ହୋଇଥିଲା ସେସବୁର ବିବରଣୀ ରଖିଥିଲେ । ଉପରମୁଣ୍ଡରେ ଜଳପ୍ରକଳ୍ପ ନିର୍ମାଣ ହିଁ ଆନ୍ଧ୍ରକୁ ଠିକ୍ ଜବାବ ହବ ଓ ଏହା ନିତାନ୍ତ ଆବଶ୍ୟକ ବୋଲି କହିଥିଲେ । ଏହାଦ୍ବାରା ବନ୍ୟା ନିୟନ୍ତ୍ରଣ ସହ ଜଳସେଚନ ହୋଇ ପାରିବ ବୋଲି କହିଥିଲେ । ପ୍ରତିନିଧି ଦଳର ସମସ୍ତ କଥା ସୁଣିବା ପରେ ସରକାରଙ୍କ ପ୍ରତିନିଧି ଦଳ ଉପରମୁଣ୍ଡରେ ଏକାଧିକ ପ୍ରକଳ୍ପ କରିବା ପାଇଁ ପ୍ରତିଶୃତି ଦେଇଥିଲେ । ବଡ ଜଳଭଣ୍ଡାର ପାଇଁ ଯୋଜନା କରି ଜମି ଅଧିଗ୍ରହଣ ସମସ୍ୟା ଦେଖାଦେଇ କୋର୍ଟରେ ଅଟକିଲା ଭଳି ଯୋଜନା ନ କରି ଛୋଟ ଛୋଟ ଏକାଧିକ ବ୍ୟାରେଜ ଓ ମେଗା ଲିଫ୍ଟ ପଏଣ୍ଟ କରାଯିବ ବୋଲି କହିଥିଲେ ।2d0b91eb 31d6 4593 b4d1 50cd67f2e4b4 ବଂଶଧାରା ଉପରେ ଜଳପ୍ରକଳ୍ପ ନିର୍ମାଣ ପାଇଁ ସରକାର ଓ ସୁରକ୍ଷା ସମିତିର ଆଲୋଚନା ସଫଳ

ମୋଟାମୋଟି ଭାବେ ଆମ ୫୦ ଭାଗ ଜଳକୁ ବ୍ୟବହାର କରିବା ଭଳି ୧୫ ଦିନ ମଧ୍ୟରେ ସର୍ବେ କାର୍ଯ୍ୟ ସାରି ଦୁଇ ମାସରେ ଡିପିଆର୍ ସାରି କାର୍ଯ୍ୟରମ୍ଭ କରିବା ଦିଗରେ ଆଗକୁ ବଢିବା ବୋଲି ସରକାରଙ୍କ ପ୍ରତିନିଧି ଦଳ କହିଥିଲେ ।

ଆସନ୍ତା ଦୁଇମାସ ପରେ ଅବବାହିକା ସୁରକ୍ଷା ସମିତି ର ପ୍ରତିନିଧି ଦଳସହ ଆଉଏକ ବୈଠକ କରି କାର୍ଯ୍ଯର ଅଗ୍ରଗତି ସମ୍ପର୍କରେ ଆଲୋଚନା କରାଯିବ ବୋଲି କହିଥିଲେ। ଏହି ବୈଠକ ପୁର୍ବରୁ ଆଜି ସାଂସଦ ଶ୍ରୀ ଶପ୍ତଗିରୀ ଶଙ୍କର ଉଲାକା ଙ୍କ ସହ ମଧ୍ୟ ଏହି ପ୍ରସଙ୍ଗରେ ଆଲୋଚନା ହୋଇଥିଲା । ସେ ଏହି ପ୍ରସଙ୍ଗକୁ ପାର୍ଲାମେଣ୍ଟ ରେ ଉଠାଇବାକୁ ପ୍ରତିଶ୍ରୁତି ଦେଇଥିଲେ ।

ବଂଶଧାରା ଅବବାହିକା ଅଞ୍ଚଳ ବାସୀଙ୍କ ଦିର୍ଘ ଦିନର ଦାବିକୁ ଗୁରୁତ୍ବ ଦେଇ ଅଞ୍ଚଳର ବୃହତ୍ ସ୍ବାର୍ଥ ଦୃଷ୍ଟିରୁ ଏଭଳି ଐତିହାସିକ ପଦକ୍ଷେପ ନେଇଥିବା ରାଜ୍ଯ ସରକାରଙ୍କ ପ୍ରତିନିଧି ମଣ୍ଡଳୀଙ୍କୁ ଆଜି ଅବବାହିକା ସୁରକ୍ଷା ସମିତିର ସଦଶ୍ଯ ମାନେ ବୈଠକ ଶେଷରେ ଧନ୍ଯବାଦ ଅର୍ପଣ କରିଥିଲେ ।

sudhir
sudhirhttps://www.odishanews24.in
Editor led his team through the digital news revolution, always prioritizing integrity & accuracy. his legacy endures, an emblem of journalistic dedication.

Popular Articles