ସାଧାରଣ ଜନତାଙ୍କ ସ୍ୱର

ରାହାଡ଼l ସ୍ୱାସ୍ଥ୍ୟକେନ୍ଦ୍ରରେ ଶିକ୍ଷକଙ୍କ ଉପରେ ଆରୋପକୁ ଭିତ୍ତିହୀନ ବୋଲି ପ୍ରକାଶ କଲେ ଶିକ୍ଷକ

ରିପୋର୍ଟ: ରାକେଶ ମହାରଣା //
ବେଗୁନିଆପଡା (୨୨/୧୨): ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ରାହାଡା ସ୍ଵାସ୍ଥ୍ୟକେନ୍ଦ୍ରରେ ଶିକ୍ଷକଙ୍କ ଉପରେ ଘଟିଥିବା ଘଟଣାକୁ ଅସ୍ବୀକାର କଲେ ଶିକ୍ଷକ । ଘଟଣା ସମ୍ପର୍କରେ ପଚାରି ବୁଝିବାରୁ ଶିକ୍ଷକ ଦେବେନ୍ଦ୍ର ମହାରଣା ସମ୍ପୂର୍ଣ୍ଣ ମିଥ୍ୟା ଓ ଭିତ୍ତିହୀନ ବୋଲି ପ୍ରକାଶ କରିଛନ୍ତି ।

ତାଙ୍କର କହିବା ଅନୁଯାଇ ସେ ଘରୁ ଅଙ୍ଗାରଗାଁ ଯିବା ରାସ୍ତାରେ ନିଜକୁ ଅସୁସ୍ଥତା ଅନୁଭବ କରି ନିଜର ବ୍ଲଡ଼ ସୁଗାର ପରୀକ୍ଷା କରିବାକୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ର ରାହାଡ଼ା ସ୍ୱାସ୍ଥ୍ୟ କେନ୍ଦ୍ରକୁ ଯାଇଥିଲେ । ଭୀଷଣ ଅସୁସ୍ଥତା ଅନୁଭବ ହେବାରୁ ସ୍ୱାସ୍ଥ୍ୟକେନ୍ଦ୍ରକୁ ଆସିବା ପାଇଁ ସେ ତାଙ୍କ ଦୁଇ ବନ୍ଧୁଙ୍କୁ କହିଥିଲେ । ଉକ୍ତ ମେଡିକାଲରେ ସେ ବ୍ଲଡ଼ ସୁଗାର ପରୀକ୍ଷା କରିଥିଲେ । ଯାହାର ରୋଗୀ ପଞ୍ଜିକରଣ ନମ୍ବର ହେଉଛି ୧୨୧୫/୩ । ପରୀକ୍ଷା ସାରିବା ପରେ ଆୟୁଷ ଡାକ୍ତର ମନୋଜ କୁମାର ସାହୁଙ୍କୁ ଅନ୍ୟ ଏମବିବିଏସ ଡାକ୍ତରଙ୍କୁ ଦେଖାକରି ତାଙ୍କୁ ସ୍ୱାସ୍ଥ୍ୟ କଥା ପଚାରିବା ପାଇଁ କହିବା ସହ ସେ କୁଆଡେ ଗଲେ ବୋଲି ପଚାରିଥିଲେ । ଆଉ ସେତିକି କଥାରେ ଡାକ୍ତର ରାଗିଯାଇ ମେଡିକାଲକୁ ବାରମ୍ବାର କାହିଁକି ଦେହ ଦେଖାଇବା ପାଇଁ ଆସୁଛନ୍ତି ବୋଲି କହିବା ସହ ଏହି ମେଡିକାଲକୁ ଏଠାରୁ ଉଠିଯିବା ଦରକାର ବୋଲି ଡାକ୍ତର କହିଥିଲେ । ଆଉ ଡାକ୍ତରଙ୍କ ବ୍ୟବହାର ଦେଖି ମେଡ଼ିକାଲ ପରିସରରେ ଥିବା ଥିବା କିଛି ଲୋକଙ୍କ ସହ ଉପସ୍ଥିତ ଅନ୍ୟ ଖବରଦାତା ମଧ୍ୟ ପ୍ରତିବାଦ କରିଥିଲେ । ହେଲେ ଉକ୍ତ ଶିକ୍ଷକ ସମସ୍ତଙ୍କୁ ବୁଝାଇବା ପରେ ସେଠାରୁ ସମସ୍ତେ ଫେରିଥିଲେ | ସୂଚନା ଥାଉ କି, ଏକ ଘରୋଇ ସଂସ୍ଥା ଦ୍ୱାରା ପରିଚାଳିତ ଏହି ସ୍ୱାସ୍ଥ୍ୟକେନ୍ଦ୍ରରେ ଦୀର୍ଘ ଦିନ ଧରି ଥିବା ଡାକ୍ତର ରୋଗୀଙ୍କୁ ଏପରି ଦୁର୍ବ୍ୟବହାର କରୁଥିବା ସାଧାରଣରେ ଆଲୋଚନା ହେଉଛି ।

Leave a Reply

Your email address will not be published. Required fields are marked *

%d bloggers like this: