ରିପୋର୍ଟ : ସୁଶାନ୍ତ ବେହେରା
ବୌଦ୍ଧ,(୨୬/୭) : ବୌଦ୍ଧ ଜିଲ୍ଲା ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନ ଅଧ୍ୟୟନରତ ଗୁରୁଛାତ୍ରଛାତ୍ରୀ ଙ୍କ ନିମନ୍ତେ ଅଭିନବ ବିକଳ୍ପ ଶିକ୍ଷା ବ୍ୟବସ୍ଥାର ଶୁଭାରମ୍ଭ କରିଛନ୍ତି । ଏହି ଅବସରରେ ହରଭଙ୍ଗା ବ୍ଲକରେ ଅନଲାଇନ ଶିକ୍ଷା ରୁ ବଞ୍ଚିତ ଥିବା ଶିକ୍ଷାର୍ଥି ମାନେ କିପରି ଉପକୃତ ହେବେ ସେଥିପ୍ରତି ସ୍ୱତନ୍ତ୍ର ଦୃଷ୍ଟି ଦିଆଯାଇଥିଲା ।
କରୋନା ମହାମାରି ଯୋଗୁଁ ଅନଲାଇନ ଶିକ୍ଷା ଏକମାତ୍ର ବିକଳ୍ପ ହୋଇଥିବାରୁ ସରକାର ଙ୍କ ମାଧ୍ୟମରେ ଡି.ଆଇ.ଟି. ବୌଦ୍ଧ ଦାଇତ୍ୱରେ ଥିବା ଶିକ୍ଷକ/ପ୍ରଶିକ୍ଷକ ଙ୍କ ତତ୍ୱାବଧାନରେ ଗ୍ରାମାଚଂଳରେ ଥିବା ଶିକ୍ଷାର୍ଥି ମାନଙ୍କୁ ଖେଳ ,ନାଚ , ଗପ , ବିଭିନ୍ନ ଶିକ୍ଷଣ ସାମଗ୍ରୀ ମାଧ୍ୟମରେ ଶିକ୍ଷାଦାନ କୁ ସାମିଲ କରିଥିଲେ ।
ଏହି ଅଭିନବ ଶିକ୍ଷା ବ୍ୟବସ୍ଥାରେ ଡି.ଆଇ.ଟି. ବୌଦ୍ଧ ର ପ୍ରାୟ ୯୧ ଜଣ ଗୁରୁଛାତ୍ର ୮୦୯ ଜଣଙ୍କୁ ଶିକ୍ଷାଦାନ କରିଥିବା କୁହାଯାଇଛି । ପ୍ରଥମ ରୁ ଡୃଡୀୟ କ୍ଲାସ ର ପିଲାମାନେ ଭାଷା ଓ ଗଣିତ ଶିକ୍ଷାରେ ସର୍ବନିମ୍ନ ଦକ୍ଷତା ହାସଲ କରିପାରିବେ ସେଥିପ୍ରତି ଗୁରୁତ୍ୱ ଦିଆଯାଇଛି ।
ଏହି କାର୍ଯ୍ୟକ୍ରମରେ ବୌଦ୍ଧ ଡିଆଇଇଟି ଅଧ୍ୟକ୍ଷ ଡଃ ବାମଦେବ ତ୍ରିପାଠୀ , ଅନୁଷ୍ଠାନ ର ବରିଷ୍ଠ ପ୍ରଶିକ୍ଷିକା ସମିତାରାଣୀ ପ୍ରଧାନ , ସର୍ମିଷ୍ଠା ଗଡନାୟକ , ଡଃ ନିହାରିକା ସାମନ୍ତରାୟ , ପ୍ରଶିକ୍ଷକ ଡଃ ବାବୁରାମ ପାଣି , ଶୁଭଲକ୍ଷ୍ମୀ ପରିଡା , ଅନୁପମା ମେହେର , ଅଭିମନ୍ୟୁ ସେଠୀ ଆଦି ସାମିଲ ଥିଲେ । ୟୁନିସେଫ୍ ଓଡିଶା ଶାଖା ପକ୍ଷରୁ କାର୍ଯ୍ୟକ୍ରମ ତଦାରଖ କରାଯାଉଛି ।