ଭିଜିଲାନ୍ସ ର ଏକ କାଳୀନ ଚାରୋଟି ସ୍ଥାନରେ ଚଢ଼ାଉ

ରିପୋର୍ଟ: ସନ୍ତୋଷ ନାୟକ //
ବଲାଙ୍ଗୀର,ତା୨୧-୧୨):ବଲାଙ୍ଗିର ଭିଜିଲାନ୍ସ ଜାଲରେ ଫସିଛନ୍ତି ବଲାଙ୍ଗିର ସ୍ପେଶାଲ ପ୍ଲାନିଂ ଅଥରିଟି କାର୍ଯ୍ୟାଳୟର ନକ୍ସା ଅଙ୍କନକାରୀ । ଏକକାଳୀନ ତାଙ୍କର ୪ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ଟିମ୍ ।ସମ୍ପୃକ୍ତ ଅଧିକାରୀଙ୍କ ନାମ ଜୀବଦୀଶ ପାତ୍ର ବୋଲି ଜଣାପଡିଛି ।

ସୂଚନା ମୁତାବକ ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ବଲାଙ୍ଗିର ସ୍ପେଶାଲ ପ୍ଲାନିଙ୍ଗ ଅଥରିଟି କାର୍ଯ୍ୟାଳୟର ନକ୍ସା ଅଙ୍କନକାରୀ ଜୀବଦୀଶ ପାତ୍ରଙ୍କ ଘରେ ଭିଜିଲାନ୍ସ ଚଢାଉ କରିଛି। ତାଙ୍କର ଘର ସମେତ ୪ଟି ସ୍ଥାନରେ ଏକକାଳୀନ ଚଢାଉ କରିଛି ଭିଜିଲାନ୍ସ ଟିମ୍। ବଲାଙ୍ଗିର ଆଦର୍ଶପଡା ବାସଭବନ, ସଂପର୍କୀୟଙ୍କ ବାସଭବନ, ସରକାରୀ କାର୍ଯ୍ୟାଳୟ ସମେତ ପୈତୃକ ଗାଁ ସିକାବହେଙ୍ଗାରେ ମଧ୍ୟ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି । ତେବେ ତାଙ୍କ ସମ୍ପତ୍ତି ଆକଳନ ଜାରି ରହିଥିବା ବେଳେ ନଗଦ ୧ଲକ୍ଷ ୪୭ ହଜାର ଟଙ୍କା, ସମେତ ଅନେକ ବୀମା କାଗଜପତ୍ର ଓ ଆହୁରି ଅନେକ ବ୍ୟାଙ୍କ ଖାତା ଭଳି ଜରୁରୀ ସାମଗ୍ରୀ ଜବତ କରି ତଦନ୍ତ ଜାରି ରଖିଥିବା ଭିଜିଲାନ୍ସ ଟିମ ତରଫରୁ ସୂଚନା ମିଳିଛି।

Welcome to Odisha News24

error: Content is protected !!
Chat on Whatsapp
1
Hello
Hello
How Can I Help You ?
%d bloggers like this: