ଦକ୍ଷିଣ ପଶ୍ଚିମ ମୌସୁମୀ ପୂର୍ବରୁ ପ୍ରସ୍ତୁତି ନିମନ୍ତେ ଜିଲ୍ଲା ସ୍ଥରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ ଅନୁଷ୍ଠିତ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡ ତା-୨୦/ ୦୫): ଆଗାମୀ ଦକ୍ଷିଣପଶ୍ଚିମ ମୌସୁମୀ ବର୍ଷା ଓ ସମ୍ଭାବ୍ୟ ବନ୍ୟାବାତ୍ୟା ମୁକାବିଲା କରିବା ନିମନ୍ତେ ଆଜି ଜିଲ୍ଲାପାଳ ଶ୍ରୀ ସରୋଜ କୁମାର ମିଶ୍ରଙ୍କ ଅଧ୍ୟକ୍ଷତାରେ ଜିଲ୍ଲା ସ୍ଥରୀୟ ପ୍ରାକୃତିକ ବିପର୍ଯ୍ୟୟ କମିଟି ୱେବିନାରରେ ବୈଠକ ଅନୁଷ୍ଠିତ ହୋଇଯାଇଛି | ଏହି ବୈଠକରେ ମାନ୍ୟବର ମନ୍ତ୍ରୀ, ଅନୁସୂଚିତ ଜାତି ଓ ଜନଜାତି ବିକାଶ ମନ୍ତ୍ରୀ ଓଡିଶା-ଶ୍ରୀଯୁକ୍ତ ଜଗନ୍ନାଥ ସାରକା, ମାନ୍ୟବର ସାଂସଦ ରାଜ୍ୟସଭା ଶ୍ରୀଯୁକ୍ତ ଏନ. ଭାସ୍କର ରାଓ, ମାନ୍ୟବର ଲୋକସଭା ସାଂସଦ କୋରାପୁଟ, ଶ୍ରୀଯୁକ୍ତ ସପ୍ତଗିରି ଉଲାକା, ମାନ୍ୟବର ରାୟଗଡ଼ ବିଧାୟକ ଶ୍ରୀଯୁକ୍ତ ମକରନ୍ଦ ମୁଦୁଲି, ରାୟଗଡା ଜିଲ୍ଲା ପରିଷଦ ଅଧ୍ୟକ୍ଷ୍ୟ ଶ୍ରୀ ଗଙ୍ଗାଧର ପୁଆଲା ପ୍ରମୁଖ ଯୋଗଦାନ କରି ନିଜନିଜର ମତାମତ ରଖିଥିଲେ |

ଏହି ବୈଠକରେ ମୁଖ୍ୟତଃ ବର୍ଷଦିନ ପୂର୍ବରୁ ଭାଙ୍ଗିଯାଇଥିବା ନଦୀ ବନ୍ଧ ହୁଡ଼ା,କେନାଲ ଏବଂ ଗୁଡିକ ତୁରନ୍ତ ମରାମତି କରିବା ପାଇଁ ନିର୍ବାହୀ ଯନ୍ତ୍ରୀ ପାରଳାଖେମୁଣ୍ଡି ଡିଭିଜନକୁ ନିର୍ଦ୍ଦେଶ ଦିଆଗଲା | ବଂଶଧାରା, ନାଗlବଳି ଅବବାହିକା ବିଶେଷ କରି ଗୁଡାରି, ଗୁଣପୁର, ପଦ୍ମପୁର, କଲ୍ୟାଣ ସିଙ୍ଗପୁର, ଓ ରାୟଗଡ ବ୍ଲକର ଯେଉଁଠି ବନ୍ୟା ପାଣି ମାଡି ଆସିବାର ସମସ୍ୟା ଓ ସମ୍ଭବନା ରହୁଛି ସେଗୁଡିକ ଚିହ୍ନଟ କରି ବର୍ଷାଦିନ ପୂର୍ବରୁ ନିର୍ମାଣ କାର୍ଯ୍ୟ ସାରିବାକୁ ବୈଠକରେ କାର୍ଯ୍ୟ ନିର୍ବାହୀ ସଂସ୍ଥା ମାନଙ୍କୁ ନିର୍ଦ୍ଦେଶ ଦିଆଯାଇଛି | କୌଣସି କାମକୁ ତରବରିଆ ଭାବରେ ନକରି ମଜଭୂତ ଓ ଧ୍ୟାନ ପୂର୍ବକ କରିବାକୁ ଜିଲ୍ଲାପାଳ ନିର୍ଦେଶ ଦେଇଛନ୍ତି | ସମ୍ଭାବ୍ୟ ବନ୍ୟା ମୁକାବିଲା କରିବାକୁ ପୂର୍ବରୁ ସମସ୍ତ ପ୍ରକାର ଆବଶ୍ୟକୀୟ ଜିନିଷ ମହଜୁଦ ରଖିବାକୁ କୁହାଯାଇଛି ସମସ୍ତ ନିର୍ମାଣ କାର୍ଯ୍ୟ ଆସନ୍ତା ୧୫ ଦିନ ଭିତରେ ଶେଷ କରିବାକୁ କୁହାଯାଇଛି |

ସମ୍ଭାବ୍ୟ ବନ୍ୟାଜଳ ନିଷ୍କାସନ ନିମନ୍ତେ କେନାଲ ଗୁଡିକର ମରାମତି କାମ ମଧ୍ୟ ବର୍ଷା ଦିନ ପୂର୍ବରୁ ସାରିବାକୁ ସମ୍ପୃକ୍ତ ସଂସ୍ଥାକୁ କୁହାଯାଇଛି | ବନ୍ୟା ସମୟରେ ସୁପରିଚାଳନା ନିମନ୍ତେ ଉପଖଣ୍ଡ ସ୍ତରରେ ଉପଜିଲ୍ଲାପାଳ, ତହସିଲ ସ୍ତରରେ ତହସିଲଦାର, ବ୍ଲକ ସ୍ତରରେ ବିଡ଼ିଓ, ଆର ଆଇ ସ୍ତରରେ ଆର ଆଇ, ଗ୍ରାମ ପଂଚାୟତ ସ୍ତରରେ ପଂଚାୟତ ନିର୍ବାହୀ ଅଧିକାରୀ, ସହରାଞ୍ଚଳରେ ପୌର ନିର୍ବାହୀ ଅଧିକାରୀ ମାନେ ବନ୍ୟା ପରିଚାଳନା ନିମନ୍ତେ ଦାୟିତ୍ୱ ଦିଆଯାଇଛି | ସେହିପରି ବନ୍ୟା ଓ ବାତ୍ୟା ସମୟରେ ଦୁର୍ଗମ ଓ ବନ୍ୟା ପ୍ଲାବିତ ଅଂଚଳରେ ଯଥେଷ୍ଟ ଆଗରୁ ଶୁଖିଲା ଖାଦ୍ୟ, ଆବଶ୍ୟକ, କିରାସିନି, ଚୁଡା,ଗୁଡ଼, ମହଜୁଦ ରଖିବା ନିମନ୍ତେ ଜିଲ୍ଲା ଯୋଗାଣ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି | ସେହିପରି ସ୍ୱାସ୍ଥ୍ୟ ବିଭାଗକୁ ଆବଶ୍ୟକ ଔଷଧ ମହଜୁଦ ରଖିବାକୁ କୁହାଯାଇଛି | ତହସିଲଦାର ମାନଙ୍କୁ ମଧ୍ୟ ପଲିଥିନ ଓ ଅନ୍ୟାନ୍ୟ ଆବଶ୍ୟକ ଜିନିଷ ମହଜୁଦ ରଖିବାକୁ ନିର୍ଦେଶ ଦିଆଯାଇଛି | ପ୍ରାଣୀସମ୍ପଦ ସିକିତ୍ସା ଓ ସୁରକ୍ଷା ନିମନ୍ତେ ପ୍ରସ୍ତୁତ ରହିବାକୁ ଜିଲ୍ଲା ମୁଖ୍ୟ ପ୍ରାଣୀସମ୍ପଦ ଅଧିକାରୀଙ୍କୁ ନିର୍ଦେଶ ଦିଆଯାଇଛି | କୃଷକ ମାନଙ୍କୁ ରିହାତି ମୂଲ୍ୟରେ ବିହନ, ସାର ଓ କୀଟ ନାଶକ ଔଷଧ ଯୋଗାଇବା ନିମନ୍ତେ ଜିଲ୍ଲା ମୁଖ୍ୟ କୃଷିଧିକାରୀଙ୍କୁ ଜିଲ୍ଲାପାଳ ନିର୍ଦେଶ ଦେଇଛନ୍ତି | ବନ୍ୟା ବାତ୍ୟା ପରେ ରାସ୍ତlଘାଟ ସଫା କରିବା ନିମନ୍ତେ ଆବଶ୍ୟକ ସରଞ୍ଜାମ ମହଜୁଦ ରଖିବାକୁ ସମ୍ପୃକ୍ତ ବିଭାଗକୁ ନିର୍ଦେଶ ଦିଆଯାଇଛି | ସେହିପରି ନିର୍ବାହୀ ଯନ୍ତ୍ରୀ ଜନସ୍ୱାସ୍ଥ୍ୟ ବିଭାଗକୁ ବିସଧିତ ପାଣି ଯୋଗାଇବା ନିମନ୍ତେ ପ୍ରସ୍ତୁତ ରହିବାକୁ କହିଛନ୍ତି। ସେହିପରି ବର୍ଷା ଦିନ ପୂର୍ଵବାରୀ ଅଚଳ ନଳକୂପ ଗୁଡିକର ମରାମତି କରିବା ଓ ବନ୍ୟା ପରେ ତୁରନ୍ତ ବିଶୋଧିତ କରିବା ନିମନ୍ତେ ପ୍ରସ୍ତୁତ ରହିବାକୁ ନିର୍ବାହୀ ଯନ୍ତ୍ରୀ ଗ୍ରାମୀୟ ଜଳ ଯୋଗାଣ ସଂସ୍ଥା ରାୟଗଡ଼ଙ୍କୁ ନିର୍ଦେଶ ଦେଇଛନ୍ତି। ବନ୍ୟା ଓ ବାତ୍ୟା ମୁକାବିଲା ନିମନ୍ତେ ଜିଲ୍ଲାର ସମସ୍ତ ବିଭଗୀୟ ଅଧିକାରୀ, ବିଡ଼ିଓ, ତହସିଲଦାର, ନିର୍ବାହୀ ଅଧିକାରୀ ସମସ୍ତ ପ୍ରକାର ପ୍ରସ୍ତୁତି ରହିବାକୁ ଜିଲ୍ଲାପାଳ ଶ୍ରୀ ମିଶ୍ର ନିର୍ଦେଶ ଦେଇଛନ୍ତି | ଏହି ୱେବିନାର ବୈଠକରେ ଅତିରିକ୍ତ ଜିଲ୍ଲାପାଳ ଶ୍ରୀ ଶରତଚନ୍ଦ୍ର ପଣ୍ଡା, ପିଡି.ଡ଼ିଆର.ଡିଏ, ମହେଶ୍ୱର ନାଏକ, ଉପଜିଲ୍ଲାପାଳ ଗୁଣପୁର ଶ୍ରୀ ସନେଲ ଜେନା, ଜିଲ୍ଲା ସ୍ଥରୀୟ ବିଭିନ୍ନ ବିଭାଗୀୟ ଅଧିକାରୀ, ବିଡ଼ିଓ, ତହସିଲଦାର, ନିର୍ବାହୀ ଅଧିକାରୀ ପୌର ପରିଷଦ, ନିର୍ବାହୀ ଯନ୍ତ୍ରୀ ପାରଳାଖେମୁଣ୍ଡି ଜଳସେଚନ ଡିଭିଜନ, ରାୟଗଡ ଗ୍ରlମ୍ୟ ନିର୍ମାଣ ବିଭାଗ,ପୂର୍ତ୍ତ ବିଭାଗ ଆଦି ଯୋଗଦାନ କରିଥିଲେ |

Welcome to Odisha News24

error: Content is protected !!
Chat on Whatsapp
1
Hello
Hello
How Can I Help You ?
%d bloggers like this: