ଭଦ୍ରକ, (୨୬/୦୫) : ଆପ୍ର : ପିଲାଙ୍କୁ ଛାଡ଼ିଦେଇ ମା ଚାଲିଗଲା ଆରପାରିକୁ । ଏପଟେ କାନ୍ଦି ବୋବେଇ ଧୂଳିରେ ଗଡ଼ିଯାଉଛନ୍ତି ପୁରା ପରିବାର ଆଉ ସ୍ତବ୍ଧ ପାଲଟିଯାଇଛି ପୁରାଗାଁ ।
ସାପ କାମୁଡ଼ାରେ ଚାଲିଗଲା ମା’ର ଜୀବନ । ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଅଧୀନ ଭଣ୍ଡାରି ପୋଖରୀ ଥାନା ମଣିନାଥପୁର ଗାଁରେ । ମୃତ ମହିଳା ହେଉଛନ୍ତି ସେହି ଗାଁ’ର ସୁରେନ୍ଦ୍ର ସାମଲଙ୍କ ପତ୍ନୀ ଅର୍ଣ୍ଣପୂର୍ଣ୍ଣା ସାମଲ । ଅର୍ଣ୍ଣପୂର୍ଣ୍ଣା ପଙ୍ଗ ପଞ୍ଚାୟତ ଯୋରାଗଡିଆ ଗାଁରେ ଥିବା ବାପଘରକୁ ଯାଇଥିଲେ । ଆଜି ସକାଳେ ଦାନ୍ତକାଠି ଆଣିବାକୁ ଘରବାଡ଼ିକୁ ଯାଇଥିଳା ବେଳେ ତାଙ୍କୁ ସାପ କାମୁଡି ଦେଲା । ଅର୍ଣ୍ଣପୂର୍ଣ୍ଣାଙ୍କ ଚିତ୍କାର ଶୁଣିବା ପରେ ଗାଁ ଲୋକ ଦଉଡ଼ି ଆସିଲେ । ଆଉ କାଳ ବିଳମ୍ବ ନକରି ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଗଲେ । ହେଲେ ମେଡ଼ିକାଲ ପହଞ୍ଚିଲା ବେଳକୁ ଚାଲିଯାଇଥିଲା ଅର୍ଣ୍ଣପୂର୍ଣ୍ଣାଙ୍କ ଜୀବନ । ଡାକ୍ତର ଦେଖି ମୃତ ଘୋଷଣା କରିଥିଲେ । ତେବେ ସୁରେନ୍ଦ୍ରଙ୍କ ଦୁଇଝିଅ ଓ ଗୋଟିଏ ପୁଅ ମା ଛେଉଣ୍ଡ ହୋଇଯାଇଥିବାରୁ ଗାଁରେ ଏକ ଦୁଖଃଦ ଶୋକାକୁଳ ପରିବେଶ ସୃଷ୍ଟି ହୋଇଛି ।
