କଳାହାଣ୍ଡିର ବଜାଶାଲ ନୃତ୍ୟରେ ଦୁଲୁକିବ ଦିଲ୍ଲୀ ରାଜପଥ

କଳାହାଣ୍ଡି, ତା.୦୭.୦୧.୨୦୨୧ ଆଗାମୀ ସାଧାରଣତନ୍ତ୍ର ଦିବସରେ କଳାହାଣ୍ଡିର ବଜାଶାଳ ନୃତ୍ୟରେ ଦୁଲୁକିବ ଦିଲ୍ଲୀ ରାଜପଥ । କେନ୍ଦ୍ରୀୟ ସଂସ୍କୃତି ବିଭାଗ ଅଧିନ କୋଲକତା ପୂର୍ବାଂଚଳ ସାଂସ୍କୃତିକ କେନ୍ଦ୍ର ଦ୍ୱାରା ପୂର୍ବ ଭାରତରେ ଏକମାତ୍ର ଦଳ ଭାବେ କଳାହାଣ୍ଡିର ପ୍ରତିଭା ଅନୁଷ୍ଠାନ ଦ୍ୱାରା ପରିବେଷଣ କରାଯାଉଥିବା କଳାହାଣ୍ଡିର ଲୋକନୃତ୍ୟ ବଜାଶାଳ ନୃତ୍ୟ ଦଳକୁ ଏହି କାର୍ଯ୍ୟକ୍ରମରେ ଭାଗ ନେବାକୁ ଚୟନ କରାଯାଇଥିବା ଜଣାପଡିଛି ।

କେନ୍ଦ୍ର ପ୍ରତିରକ୍ଷା ମନ୍ତ୍ରଣାଲୟ ତତ୍ୱାବଧାନରେ ପ୍ରତିଭା ଅନୁଷ୍ଠାନର ବଜାଶାଳ କଳାକାର ମାନେ ଏହି କାର୍ଯ୍ୟକ୍ରମରେ ଯୋଗ ଦେବାକୁ ଚୁଡାନ୍ତ କରାଯାଇଛି । ସେଥିପାଇଁ ଗତ ୩ ତାରିଖ ଦିନ ପ୍ରତିଭା ଅନୁଷ୍ଟାନର ନୃତ୍ୟ ଗୁରୁ ଧ୍ୟାନାନନ୍ଦ ପଣ୍ଡା ଙ୍କ ସମେତ ୮୦ ଜଣିଆ ନୃତ୍ୟ ଦଳକୁ ଆବଶ୍ୟକୀୟ ପରୀକ୍ଷା ନୀରିକ୍ଷା କରାଯାଇ ଦିଲ୍ଲୀ ପଠାଯାଇଥିବା ଜଣାପଡିଛି । ଜୁନାଗଡ ବିଧାୟକ ତଥା ଓଡିଶାର ମାନ୍ୟବର ଶକ୍ତି, ଶିଳ୍ପ, ମଧ୍ୟମ ଉଦ୍ୟୋଗ ତଥା ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର ଏହି ଦଳକୁ ଶୁଭେଚ୍ଛା ର ସହିତ ବିଦାୟ ଦେଇଛନ୍ତି । ସାଧାରଣତନ୍ତ୍ର ଦିବସରେ ପରିବେଷଣ ପୂର୍ବରୁ କଳାହାଣ୍ଡିର ଲୋକନୃତ୍ୟ ବଜାଶାଳ ଦଳ ଦିଲ୍ଲୀ ରାଜପଥରେ ପ୍ରତିରକ୍ଷା ମନ୍ତ୍ରଣାଲୟ ତତ୍ୱାବଧାନରେ ରିହଲସେଲ କରିବାର ବ୍ୟବସ୍ଥା କରାଯାଇଥିବା ଜଣାପଡିଛି ।

Welcome to Odisha News24

error: Content is protected !!
%d bloggers like this: