ସାଧାରଣ ଜନତାଙ୍କ ସ୍ୱର

ଆଂଚଳିକ ପରିବେଶ ଓ ଖଣିଜ ସଚେତନତା କାର୍ଯ୍ୟକ୍ରମ (ଇଏମ୍‌ଏପି) ଅନୁଷ୍ଠିତ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡା (୦୯/୦୨): ଆଦିତ୍ୟ ବିର୍ଲା ଗ୍ରୁପ କମ୍ପାନୀ ହିଣ୍ଡାଲକ ଇଣ୍ଡଷ୍ଟିଜ ର ୟୁନିଟ ଉତ୍କୋଳ ଆଲୁମିନା ଇଣ୍ଟରନ୍ୟାସ ନ୍ୟାଲ ଲିମିଟେଡ଼ ର ବାଫୋଲି ମାଳି ଖଣିରେ ସୋସାଇଟି ଅଫ ଜିଓ ସାଇଣ୍ଟିଷ୍ଟସ, ଭୁବନେଶ୍ୱର ଆନୁକୂଲ୍ୟରେ ୟୁଏଆଇଏଲ୍ ପକ୍ଷରୁ ବାଫଲିମାଲି ଖଣିରେ ପରିବେଶ ଓ ଖଣିଜ ଆଦିତ୍ୟ ବିର୍ଲା ଗ୍ରୁପ କଂପାନି ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜର ୟୁନିଟ୍ ଉତ୍କଳ ଆଲୁମିନା ଇଟଂରନ୍ୟାସନାଲ୍ ଲିମିଟେଡ୍‌ର ବାଫଲିମାଲି ଖଣିରେ ସୋସାଇଟି ଅଫ୍ ଜିଓସାଇନ୍‌ଟିଷ୍ଟ୍ ଆଣ୍ଡ୍ ଆଲାଏଡ୍ ଟେକ୍ନୋଲୋଜିଷ୍ଟ୍‌ସ, ଭୁବନେଶ୍ୱର ଆନୁକୂଲ୍ୟରେ ଆଂଚଳିକ ପରିବେଶ ଓ ଖଣିଜ ସଚେତନତା କାର୍ଯ୍ୟକ୍ରମ (ଇଏମ୍‌ଏପି) ମହା ଉତ୍ସାହ ସହ ଅନୁଷ୍ଠିତ ହୋଇଯାଇଛି ।

ପ୍ରାକୃତିକ ସମ୍ବଳ ତଥା ପରିବେଶ ସୁରକ୍ଷା ବିଷୟରେ ସଚେତନତା କରିବା ଲାଗି ଉପଯୁକ୍ତ ପଦକ୍ଷେପ ନେବାକୁ ଏହି କାର୍ଯ୍ୟକ୍ରମକୁ ସରକାରୀ ୟୁଜି ହାଇସ୍କୁଲ୍‌ରେ କରାଯାଇଥିଲା । କାଶିପୁର ବ୍ଲକ୍ ଆଖପାଖ ଅଂଚଳର ତିନିଟି ହାଇସ୍କୁଲ୍ ଯଥା ଟିକିର ସରକାରୀ ହାଇସ୍କୁଲ୍‌, କାଶିପୁରର ଏସ୍‌ଏସଭିଏମ୍ ଓ ମାଇକାଂଚର ସରକାରୀ ହାଇସ୍କୁଲ୍‌ର ୨୦ ଜଣ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ପ୍ରତ୍ୟକ୍ଷ ଭାବେ ଅଂଶଗ୍ରହଣ କରିଥିଲେ ଏବଂ ସେମାନଙ୍କୁ ବାଫଲିମାଲି ଖଣି ଏବଂ ଓଡ଼ିଶାର ଖଣିଜ ଭଣ୍ଡାର ଓ ସମ୍ବଳ ଉପରେ ସଚେତନ କରାଯାଇଥିଲା । ଛାତ୍ରଛାତ୍ରୀମାନେ ସବୁ ତଥ୍ୟକୁ ଆଗ୍ରହର ସହ ଗ୍ରହଣ କରୁଥିବା ଦେଖାଯାଇଥିଲା ।

ଓଡ଼ିଶାର ବିଭିନ୍ନ ଖଣିଜ ଭଣ୍ଡାରର ସୂଚନା, ସେଗୁଡ଼ିକୁ ଚିହ୍ନଟ କରିବା ଏବଂ ସେଗୁଡ଼ିକର ସୁରକ୍ଷା ବିଷୟରେ ଆଲୋଚନା କରାଯାଇଥିଲା । ଏହା ପରେ ଅଂଶଗ୍ରହଣକାରୀ ବିଦ୍ୟାଳୟଗୁଡ଼ିକୁ ନେଇ ଖଣିଜ ଚିହ୍ନଟ, ବକ୍ତୃତା, ପ୍ରବନ୍ଧ ଲିଖନ ଓ କୁଇଜ୍ ଭଳି ପ୍ରତିଯୋଗିତା ଆୟୋଜନ କରାଯାଇଥିଲା । ଏହି ଅବସରରେ ୟୁଏଆଇଏଲ୍‌ର ୟୁନିଟ୍ ମୁଖ୍ୟ ଶ୍ରୀଯୁକ୍ତ ମଜହର ବୈଗ୍ କହିଛନ୍ତି ଯେ ଏଥିରେ ଛାତ୍ରଛାତ୍ରୀମାନଙ୍କ ପ୍ରତ୍ୟକ୍ଷ ଭାବେ ଅଂଶଗ୍ରହଣ ପରିବେଶ ସୁରକ୍ଷା ଉଦ୍ୟମକୁ ମୂଲ୍ୟ ପ୍ରଦାନ କରିବ ଏବଂ ଦେଶକୁ ନିରନ୍ତର ଶକ୍ତି ପଥରେ ଅଗ୍ରସର କରାଇବ । ଏହି ଅବସରରେ ଶ୍ରୀଯୁକ୍ତ ମୁକେଶ ଝା (ଖଣି ମୁଖ୍ୟ), ଶ୍ରୀଯୁକ୍ତ କେ ସି ଜ୍ୟୋତିଷି (ମୁଖ୍ୟ ଜିଓଲୋଜି) ଓ ଶ୍ରୀଯୁକ୍ତ ଶିବ ମହାପାତ୍ର (ସିଏସ୍‌ଆର ମୁଖ୍ୟ) ଛାତ୍ରଛାତ୍ରୀଙ୍କ ଓ ସେମାନଙ୍କ ସହ ଆସିଥିବା ଶିକ୍ଷକମାନଙ୍କୁ ଏହି ବିଷୟ ଉପରେ ଉଦବୋଧନ ଦେଇଥିଲେ ଓ ମୁଖ୍ୟ ଅତିଥି ବିଜେତାମାନଙ୍କୁ ପୁରସ୍କୃତ କରିଥିଲେ ।ଏଠାରେ ସୂଚନାଯୋଗ୍ୟ ଯେ, ଏକ ଦାୟିତ୍ୱସଂପନ୍ନ କର୍ପୋରେଟ ସଂସ୍ଥା ଭାବରେ ୟୁଏଆଇଏଲ ଏହାର ପାରିପାର୍ଶ୍ବିକ ଗ୍ରାମଗୁଡିକରେ ଶିକ୍ଷା, ସ୍ୱାସ୍ଥ୍ୟଯତ୍ନ, ସ୍ଥାୟୀ ଜୀବିକା ଉପାର୍ଜନ ପନ୍ଥା ସୃଷ୍ଟି ଏବଂ ଗ୍ରାମାଞ୍ଚଳ ଭିତ୍ତିଭୂମି ସୃଷ୍ଟି ସହିତ ସାମାଜିକ ପ୍ରସଙ୍ଗ ଗୁଡ଼ିକର ସମାଧାନ ଦିଗରେ ବିଭିନ୍ନ କାର୍ଯ୍ୟକ୍ରମ କାର୍ଯ୍ୟକାରୀ କରିବାରେ ଗଭୀର ଭାବେ ନିୟୋଜିତ ରହିଛି । ୟୁଏଆଇଏଲ ମୋଟାମୋଟି ଭାବେ ଓଡ଼ିଶାର ୫୭ଟି ଗ୍ରାମରେ ପ୍ରାୟ ୩୦,୦୦୦ ଲୋକଙ୍କୁ ସେବା ଯୋଗାଇ ଦେଉଛି ।

Welcome to Odisha News24

%d bloggers like this: