ରାୟଗଡାରୁ କଳାହାଣ୍ଡି ରାଜ୍ୟ ରାଜପଥ ନ ୬ ପାଲଟିଛି ମରଣଯନ୍ତା

ମୁନିଗୁଡା (ରଞ୍ଜନ କୁମାର ସ୍ୱାଇଁ): ରାୟଗଡା ଜିଲ୍ଲା ରାୟଗଡା ରୁ ଆମ୍ବା ଦୋଳା କଳାହାଣ୍ଡି କୁ ସଂଯୋଗ କରୁଥିବା ରାଜ୍ୟ ରାଜପଥ ୬ ରାସ୍ତା ପାଲଟିଛି ମରଣଯନ୍ତା | ରାୟଗଡ଼ାରୁ କଳାହାଣ୍ଡି ଦୀର୍ଘ ୮୫କିମି ରାସ୍ତା ସମ୍ପୂର୍ଣ୍ଣ ଖରାପ ହୋଇଥିବା ଯୋଗୁଁ ଯାତାୟାତ ବାଧାପ୍ରାପ୍ତ ହେବ ସହ ଗାଡି ଚଳାଇବା କଷ୍ଟକର ହୋଇପଡିଛି |

ବିଭିନ୍ନ ଜାଗାରେ ପିଚୁ ଉଠିଯିବା ଫଳରେ ବିଭିନ୍ନ ସ୍ଥାନରେ ପୋଳହେବା ସହ ଗର୍ତ୍ତ ସୃଷ୍ଟି ହୋଇଛି | ଏହି ରାସ୍ତାଦେଇ ଦୈନିକ ହଜାର ହଜାର ମାଲ ବୋଝେଇ ଟ୍ରକ ଯାଉଛି , ଫଳରେ ଯାତାୟାତ ରେ ବାଧା ସୃଷ୍ଟି ହେବ ସହ ମାଲ ବୋଝେଇ ଟ୍ରକ ଦୀର୍ଘ ସମୟ ରାସ୍ତାର ଦୁଇ ପାର୍ଶ୍ୱକୁ ଅଟକି ରହିଛି | ଏଥିଯୋଗୁଁ ଦୈନିକ ରାୟଗଡା ଜିଲ୍ଲାରେ ସଡକ ଦୁର୍ଘଟଣା ଘଟୁଛି | ଏହି ଦୁର୍ଘଟଣା କେହି ମୃତ୍ୟୁବରଣ କରିଥିବା ବେଳେ କେତେକ ଆହତ ହୋଇଛନ୍ତି | ଏଥିପ୍ରତି ପଡ଼ବ୍ଲୁଡ଼ି ବିଭାଗ ଦୃଷ୍ଟି ଡେଉଁ ଥିବା ଅଂଚଳ ବସି ଅଭିଯୋଗ କରିଛନ୍ତି | ଏହି ରାସ୍ତା ମୁଖ୍ୟତଃ ଆନ୍ଧ୍ର ବିଜୟୱାଡା ଏବଂ ରାୟପୁର କୁ ସଂଯୋଗ କରୁଥିବା ହେତୁ ଦୈନିକ ହଜାର ହଜାର ଟ୍ରକ ଯାତାୟାତ କରୁଛନ୍ତି | ଟ୍ରକ ଗୁଡିକ ମଧ୍ୟ ଅଧିକ ଓଜନ ମାଲ ନେଉଥିବା ହେତୁ ରାସ୍ତା ର ଅବସ୍ଥା ଖରାପ ହେଉଛି | ପୂର୍ବରୁ ଏହି ରାସ୍ତାଟି ଜିଭିଆର ପ୍ରାଇଭେଟ ସଂସ୍ଥା ନାମକ ଏକ ଠିକାଦାର କମ୍ପାନୀକୁ କାର୍ଯ୍ୟାଦେଶ ଦିଆଯାଇଥିଲା |

ନିମ୍ନ ମନର ରାସ୍ତାକାମ ହୋଇଥିବା ଯୋଗୁଁ ବିଭିନ୍ନ ଜାଗାରେ ପିଚୁ ଉଠିଯିବା ସହ ଖାଲ ଖମା ହୋଇଥିବା ଅଭିଯୋଗ ହେଉଛି | ଏହି ଠିକ ସଂସ୍ଥା ୫ବର୍ଷ ଯାଏ ରାସ୍ତା ର ମରାମତି କରିବା କଥା କିନ୍ତୁ କେତେକ ସ୍ଥାନରେ ରାସ୍ତାରେ ପିଚୁ ପକାଇ କେତେକ ଖାଲ ସ୍ଥାନରେ ମେଟାଲ ପକାଇ ଛାଡିଦେଇଥିବା ନଜର କୁ ଆସିଛି | ପ୍ରତିଦିନ ଏହି ରାସ୍ତାରେ ଉଚ୍ଚ ପଦସ୍ଥ ଅଧିକାରୀ ରାସ୍ତା ଦେଇ ଯାଉଥିଲେ ମଧ୍ୟ କୌଣସି ବ୍ୟବସ୍ଥା କରାଯାଉନାହିଁ | ରାୟଗଡ଼ାରୁ ବିଷମ କଟକ ପର୍ଯ୍ୟନ୍ତ ଏହି ରାସ୍ତା କିଛି ପରିମାଣରେ ଠିକ ଥିବା ବେଳେ ବିଷମ କଟକରୁ ମୁନି ଗୁଡା ଆମ୍ବା ଦୋଳା ମୁଖ୍ୟ ରାସ୍ତାର ଦୁରବସ୍ଥା ଦେଖିଲେ ଯମ ବି ଫେରି ଆସିବ ବୋଲି ଲୋକେ କହୁଛନ୍ତି | ଏହି ବିଷୟରେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଲେ ମଧ୍ୟ କୌଣସି ଅଧିକାରୀ ଦୃଷ୍ଟି ଦେଉ ନ ଥିବା ଅଭିଯୋଗ ହେଉଛି | ତେଣୁ ପଡ଼ବ୍ଲୁଡ଼ି ଅଧିକାରୀ ଗମ୍ଭିରତାର ଏହି ବିଷୟକୁ ନେଇ ତୁରନ୍ତ ମୁଖ୍ୟ ରାସ୍ତା ଠିକ କରିବାକୁ ସାଧାରଣରେ ଦାବି ହେଉଛି |

Comments are closed.