Related Contents

ସବୁଜ ମହାନଦୀ ମିଶନ କୁ ଉଦଘାଟନ କଲେ ବରଗଡ଼ ସାଂସଦ ଡ଼.ପ୍ରଭାସ ସିଂ

ବରଗଡ଼ : ଗତକାଲି ବରଗଡ଼ ଜିଲ୍ଲା ଅତାବିରା ବ୍ଲକ ପାହାଡ଼ ସିରଗିଡା ଅନ୍ତର୍ଗତ ଡ଼ଙ୍ଗାପଡା ଠାରେ ସବୁଜ ମହାନଦୀ ମିଶନ ଉଦଘାଟିତ ହୋଇଯାଇଛି |

ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବରଗଡ଼ ସାଂସଦ ଡ଼.ପ୍ରଭାସ ସିଂ ଯୋଗ ଦେଇଥିବା ବେଳେ ବରଗଡ଼ ଜିଲ୍ଲାପାଳ , ଜିଲ୍ଲା ବନ କ୍ଷେତ୍ର ଅଧିକାରୀ , ବିଭିନ୍ନ ପ୍ରଶାସନିକ ଅଧିକାରୀ ବୃନ୍ଦ ଯୋଗ ଦେଇଥିଲେ | ବିଭିନ୍ନ ସ୍କୁଲ ଓ କଲେଜ ର ଛାତ୍ରଛାତ୍ରୀ ତଥା ସାଧାରଣ ଜନତା ମଧ୍ୟ ଭାଗ ନେଇଥିଲେ ଏହି ମିଶନ କାର୍ଯ୍ୟକ୍ରମରେ | ଏହି ମିଶନ ର ମୁଖ୍ୟ ଉଦ୍ଦେଶ୍ୟ ଥିଲା ଯେ ମହାନଦୀ ପଠାରେ ସବୁଜ ଗଛ ଲଗେଇବା ସହ ମହାନଦୀ କୁ ସବୁଜ ସୁନ୍ଦର କରିବା , ସ୍କୁଲ ହତା ମଧ୍ୟରେ ବୃକ୍ଷ ରୋପଣ କରିବା , ବିଭିନ୍ନ ରାସ୍ତା ପାର୍ଶ୍ୱରେ ଓ ଗାଁ ମାନଙ୍କରେ ଗଛ ଲଗାଇବା ର ସଚେତନତା ବାର୍ତ୍ତା ଦେଇ ଲୋକଙ୍କୁ ଆହ୍ୱାନ କରିବା ଯେ ସେମାନେ ଏହି ମିଶନରେ କିପରି ସାମିଲ ହେବେ | ସାଂସଦ ଲୋକ ମାନଙ୍କୁ ବାୟୁ ପ୍ରଦୂଷଣ ତଥା ଗ୍ଲୋବାଲ ୱାର୍ମିଙ୍ଗ ଆଉ ପରିବେଶ ପ୍ରଦୂଷଣ ରୋକିବାକୁ ସମସ୍ତଙ୍କୁ ଆହ୍ୱାନ ଦେଇଥିଲେ |

Comments are closed.